Кітай у наступныя 5 гадоў плануе запусціць каля 40 навігацыйных спадарожнікаў сістэмы "Бэйдоу" для падтрымкі глабальнай сеткі навігацыі і пазіцыянавання, паведаміла “Сіньхуа”.
Дырэктар Канцылярыі па кіраванні спадарожнікавай навігацыйнай сістэмай КНР Жань Чэньці адзначыў, што дакладнасць пазіцыянавання "Бэйдоў" у Кітаі дасягнула 5 метраў за кошт паляпшэння алгарытму праграмнага забеспячэння і іншых тэхналагічных нау-хау.
1 лютага выведзены на арбіту спадарожнік новага пакалення, што стаў 21-м у сістэме "Бэйдоу". Першыя 16 апаратаў утварылі сетку, што пакрывае толькі Кітай і блізкія рэгіёны. Спадарожнік новага пакалення (што стаў у сістэме 17-м) быў запушчаны ў сакавіку мінулага года, каб дапамагчы пераходу сеткі з рэгіянальнага пакрыцця на глабальнае.
Кітай плануе пашырыць работу "Бэйдоу" на большасць краін уздоўж "аднаго пояса, аднаго шляху" да 2018 года, а да 2020-га будзе прапанавана глабальнае пакрыццё.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.