Вы тут

Беларусь падзеліцца здабыткамі ў сацыяльнай сферы


У гэтыя днi беларуская дэлегацыя бярэ ўдзел у чарговай сесii камiсii сацыяльнага развiцця Арганiзацыi Аб'яднаных Нацый. Пра гэта падчас брыфiнгу расказаў начальнiк упраўлення iнфармацыi -- прэс-сакратар Мiнiстэрства замежных спраў Беларусi Дзмiтрый Мiрончык.


"З 3 па 12 лютага ў штаб-кватэры ААН у Нью-Ёрку праходзiць 54 сесiя камiсii сацыяльнага развiцця ААН. Рэспублiка Беларусь уваходзiць у склад яе 46 членаў", -- паведамiў ён. Беларуская дэлегацыя прымае ўдзел у агульнай дыскусii па паляпшэннi становiшча iнвалiдаў, моладзi, пажылых людзей i сям'i, дзелiцца ўласным вопытам i здабыткамi ў гэтай сферы. Таксама наша краiна праявiць сябе ў працы групы сяброў сям'i, якая адбываецца паралельна сесii, дзе сумесна з iншымi краiнамi i арганiзацыямi правядзе мерапрыемствы па тэматыцы барацьбы з гандлем людзьмi i ролi сям'i ў сучасным свеце.

Мiнiстэрства замежных спраў рыхтуецца i да мерапрыемстваў, прысвечаных 30-годдзю аварыi на Чарнобыльскай АЭС. МЗС ужо запрасiла МАГАТЭ, Сусветную арганiзацыю аховы здароўя, Дзiцячы фонд ААН ЮНIСЕФ, а таксама краiны-донары, якiя прымаюць актыўны ўдзел у дапамозе пацярпелым раёнам Беларусi, -- Японiю, Германiю, Iталiю. Запрашэннi накiраваны Украiне i Расii, як дзяржавам, якiя таксама моцна пацярпелi ад аварыi.

У гэтыя днi асаблiвая ўвага мiнiстэрства будзе ўдзяляцца ўзаемадзеянню з шэрагам еўрапейскiх краiн. Нядаўна скончыўся вiзiт дэлегацыi Еўрапейскай камiсii на чале са спецыяльным дарадцам па асаблiвых даручэннях генеральнага дырэктарата па гандлi Еўракамiсii Петарам Балашам. Падчас кансультацыi ў МЗС Беларусi бакi абмяркоўвалi пытаннi гандлёвага супрацоўнiцтва памiж Беларуссю i Еўрапейскiм саюзам. Дакладней, узаемнага доступу на рынкi, перспектыў далучэння нашай краiны да Сусветнай гандлёвай арганiзацыi, узаемадзеяння памiж ЕС i ЕАЭС, а таксама правядзення Беларуска-еўрапейскага iнвестыцыйнага форуму ў Аўстрыi пры падтрымцы Еўрапейскай камiсii. Ужо ў блiжэйшыя днi Беларусь наведае генеральны сакратар аўстрыйскага МЗС Мiхаэль Лiнхарт i адкрые пасольства Аўстрыi ў нашай краiне. Тым часам у Рызе Беларусь i Латвiя абмяркоўвалi ўсталяванне раўнапраўных кантактаў памiж Еўразiйскiм эканамiчным i Еўрапейскiм саюзамi.

Чакаецца, што 9 лютага ў Беларусi з рабочым вiзiтам будзе знаходзiцца генеральны дырэктар МЗС Вялiкабрытанii па палiтычных пытаннях сэр Сайман Гас. Вiзiт мусiў адбыцца яшчэ ў снежнi мiнулага года. Адказваючы на пытанне "Звязды", чаму так атрымалася, Дзмiтрый Мiрончык растлумачыў, што вiны беларускага боку ў перанясеннi даты няма i гэта адбылося з-за тэхнiчных праблем з брытанскага боку. "Затое сустрэць спадара Гаса пашанцуе ўжо новаму паслу Вялiкабрытанii Фiёне Гiб", -- заўважыў ён.

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.