Вы тут

Садружнасць Незалежных Дзяржаў чакаюць рэформы


Канчатковае рашэнне па гэтым пытанні будзе прынята ў Бішкеку на юбілейным пасяджэнні Савета кіраўнікоў дзяржаў. Пра гэта паведаміў учора журналістам пастаянны паўнамоцны прадстаўнік Кыргызстана пры статутных і іншых органах Садружнасці, Надзвычайны і Паўнамоцны Пасол Кыргызстана ў нашай краіне Кубанычбек Амураліеў.


Учора ў Мінску прайшло чарговае пасяджэнне Савета пастаянных паўнамоцных прадстаўнікоў дзяржаў – удзельніц СНД пры статутных і іншых органах Садружнасці. Сярод тых пытанняў, што разглядаліся – праект парадку дня пасяджэння Савета міністраў замежных спраў СНД, запланаванага на 8 красавіка ў Маскве; праект парадку дня пасяджэння Савета кіраўнікоў урадаў СНД, намечанага на трэцюю дэкаду траўня ў Бішкеку; абмяркоўваліся і пытанні па рэалізацыі мерапрыемстваў, прысвечаных 25-годдзю Садружнасці.

Што да магчымага рэфармавання Садружнасці, то, па словах кыргызскага дыпламата, СНД – міжнародная арганізацыя, якая адбылася і працягне працаваць. Іншае пытанне, што яна мае патрэбу ў некаторай трансфармацыі. "Ёсць асобныя моманты па галіновых і статутных органах, якія трэба перагледзець, – адзначыў ён. – У любой жывой арганізацыі гэты працэс адбываецца – узяць і АБСЕ, і ААН, і ЕС. СНД існуе ўжо 25 гадоў, і мы падышлі да разгляду пытанняў па аптымізацыі яго структуры. Але гэта не проста скарачэнне або скасаванне. Цяпер ідзе аналіз, выканкам над гэтым працуе, і 16 верасня ў Бішкеку кіраўнікі дзяржаў прымуць рашэнне". Ён таксама дадаў, што гаворка не ідзе аб кардынальных зменах.

У цяперашні час у СНД дзейнічае каля 70 статутных і галіновых органаў, і аптымізацыя будзе праводзіцца для таго, каб пазбегнуць дубліравання пэўных функцый.  "Дзякуючы гэтаму будуць зніжацца фінансавыя затраты, павысіцца эфектыўнасць працы", – лічыць пасол. 

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.