У межах Года культуры ля сталічнай ратушы стартавала рэспубліканская акцыя “Беларусь, я люблю цябе”.
Падзея прымеркавана да Дня закаханых, а таксама да Дня роднай мовы, які адзначаецца па ўсім свеце 21 лютага, распавёў міністр культуры Барыс Святлоў. Да ўрачыстага адкрыцця ў ратушы міністр узнагародзіў удзельнікаў рэспубліканскай акцыі “Мы разам” – вядомых дзеячаў культуры краіны.
На цырымоніі адкрыцця прысутнічала і міністр інфармацыі Лілія Ананіч. Яна перакананая, што словы “Беларусь, я люблю цябе” будуць гучаць у межах акцыі па ўсёй краіне.
Галоўнай падзеяй свята стаў гала-канцэрт, аснову якога склалі песні на вершы беларускіх аўтараў. Для мінчан і гасцей сталіцы спявалі маладыя, але ўжо вядомыя артысты, а таксама маладзёжныя і дзіцячыя калектывы з усіх раёнаў горада.
На канцэрце таксама выступалі вядомыя беларускія паэты і пісьменнікі, якія выдалі кнігі за апошнія два гады.
У дзень старту акцыі працавала і пляцоўка традыцыйнай беларускай кухні. Сваю прадукцыю на кірмашы спажывецкіх тавараў прадставілі і пераможцы конкурса “Народная марка Беларусі”.
Моладзь вешала валянцінкі на дрэва кахання з самымі шчырымі прызнаннямі ў любові да роднай краіны і пажаданнямі. Але ж, светлыя пачуцці лепш за ўсё выражаць не прыгожымі словамі, а годнымі справамі. І магчымасці для гэтага ёсць у кожнага.
Фота Надзеі БУЖАН.
Канцэрт для дзяцей і моладзі, пластычны спектакль Ягора Дружыніна і «Рок-панарама».