У Віцебску прыцягнулі да адказнасці работнікаў кінатэатра, якія на дзённым кінасеансе «круцілі» «не тое» кіно.
— У абедзенны час выхаднога дня дэманстраваўся фільм, зняты на аснове замежных коміксаў пра чарговага супергероя. Варта адзначыць, што кіно зусім не дзіцячае. У ім сцэны гвалту, элементы эротыкі, гучаць правакацыйныя словы, выразы і г.д. І адпаведна фільм быў дазволены для паказу гледачам, старэйшым за 18 гадоў, на вячэрніх і начных кінасеансах (пасля 17 гадзін. — Аўт.). А ў зале было мноства дзяцей, — паведаміў карэспандэнту «Звязды» памочнік пракурора г. Віцебска Сяргей Сініцкі.
Па патрабаванні пракуратуры вінаватыя прыцягнуты да адказнасці. А кіраўніцтвам кінатэатра былі прынятыя меры, каб больш не дапусціць аналагічнага. Ахоўнікі права дадалі, што ў Год культуры надаецца асаблівая ўвага кантролю за дзейнасцю арганізацый, якія прадастаўляюць насельніцтву адпаведныя паслугі...
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
