Вы тут

Як камунальнікі наводзяць чысціню і стымулююць выконваць правілы


Прыйшла вясна, з-пад снегу паказаліся недакуркі, пластыкавыя бутэлькі і іншае смецце... Думаеце, смешна? А вось работнікам камунальных службаў зусім не да смеху. І калі гараджане часам не заўважаюць іх штодзённай працы, а то і наракаюць на яе якасць, то вельмі хутка заўважаць яе адсутнасць, калі, напрыклад, у двары не будуць прыбірацца хоць бы тыдзень.


Рамонт дарог — па конкурсе

Між тым адказнасць за беспарадак на вуліцах і ў пад'ездах нясуць перадусім не камунальнікі, а мы самі, грамадзяне, кідаючы іншы раз паперку міма сметніцы. Таму камунальныя службы заклікаюць мінчан не толькі не смеціць, але і дапамагаць у прыборцы. Асаблівая дапамога жыхароў патрэбна цяпер, падчас месячніка па добраўпарадкаванні, які праходзіць у сталіцы з 15 сакавіка да 15 красавіка.

— На сённяшні дзень прыведзена ў парадак больш за 40% тэрыторый. Нягледзячы на ўмовы надвор'я, запланаваныя работы мы выконвалі, — паведаміла выканаўца абавязкаў начальніка ўпраўлення гарадской гаспадаркі і энергетыкі Мінгарвыканкама Марына МАЛАЕВА.

Сярод запланаваных мерапрыемстваў — ямачны рамонт дарог, пасадка дрэў, рамонт дзіцячага гульнявога абсталявання.

Усе раёны сталіцы абвясцілі конкурсы на выбар падрадных арганізацый па ямачным рамонце дарог. Конкурсы ўжо правялі Першамайскі і Цэнтральны раёны, на падыходзе Фрунзенскі.

— Мы заяўляем аб'ёмы грошай, якія ў нас ёсць, і людзі, што ўдзельнічаюць у электронных таргах, канкурыруюць паміж сабой, — патлумачыла намеснік генеральнага дырэктара Мінскай гарадской жыллёвай гаспадаркі Галіна ГІЛЕВІЧ.

Сёлета горад мае патрэбу ў рамантаванні амаль 129 тысяч кв. м дарог. З пачатку месячніка па добраўпарадкаванні выкананы ямачны рамонт 8,6 тысячы кв. м
асфальтабетоннага пакрыцця. Усяго падчас месячніка плануецца адрамантаваць больш за 11,8 тысячы кв. м вулічна-дарожнай сеткі. Таксама адрамантуюць тратуары, ад пяску і смецця ачысцяць больш за 22 млн кв. м дарог, расказаў намеснік генеральнага дырэктара Гаррамаўтадара Мінгарвыканкама Анатоль ЖАМОЗДЗІК.

У Мінску вядзецца работа па мыйцы, рамонце і афарбоўцы прыпыначных навесаў, лавак і ўрнаў. Акрамя таго, дарожнікі праводзяць вонкавы агляд сетак дажджавой каналізацыі. Падчас месячніка ў сталіцы прывядуць у парадак чатыры падземныя пешаходныя пераходы, а таксама 20 мастоў і пуцеправодаў.

Нашы дзеці, сабакі, машыны...

Вялікую занепакоенасць у спецыялістаў выклікае стан месцаў агульнага карыстання пасля зімы.

— Вы ўсе жыхары Мінска, бачыце, у што ператварыліся за зіму месцы пад вокнамі і балконамі. Гэта жахліва! Там стала менш смецця ў выглядзе пластыкавых бутэлек, але што датычыцца курэння — гэта недапушчальна. Самае страшнае, што з-за выкідвання недакуркаў з балконаў адбываюцца пажары, — звярнула ўвагу Галіна Гілевіч.

Паралельна з месячнікам па добраўпарадкаванні ў сталіцы аглядаюць інжынерныя сеткі, канструкцыйныя элементы дамоў, а таксама дзіцячых пляцовак.

— Візуальна дзіцячае абсталяванне трэба аглядаць штодня на прадмет вандальных дзеянняў і ўзроставага выкарыстання. Бяспека нашых дзяцей — справа не толькі работнікаў жыллёвых арганізацый, але і бацькоў, — нагадала Галіна Гілевіч.

Яна расказала, што планаў па ўстаноўцы новага дзіцячага абсталявання няма (можна толькі мяняць і рамантаваць старое). Але калі ў жыхароў узнікне жаданне набыць новыя прылады для дзіцячай пляцоўкі, яны могуць звярнуцца ў жыллёвую службу і за свае грошы закупіць абсталяванне.

У дварах сочаць не толькі за чысцінёй і станам малых формаў, але і за аўтамабілямі жыхароў. Выяўляюць неэксплуатаваныя аўто ці машыны ў дрэнным стане. Адметна, што аўтахламу на вуліцах Мінска з кожным годам становіцца менш. Летась у сталіцы выявілі 1075 безгаспадарных аўтамабіляў. З іх прыведзена ў парадак больш за 570, утылізавана — звыш 330. Згодна з заканадаўствам, усе ўладальнікі кінутых аўто атрымліваюць паведамленне аб неабходнасці на працягу 30 дзён перамясціць транспартны сродак на ахоўную стаянку, прывесці ў належны стан альбо ўтылізаваць. Калі ўласнік не аб'явіўся, службы ЖКГ маюць права ў прымусовым парадку перавезці аўтахлам на ахоўную стаянку. Там кінуты аўтамабіль можа знаходзіцца да трох месяцаў, затым ён прызнаецца безгаспадарным і знішчаецца. Аплаціць выдаткі па яго эвакуацыі і захоўванні прыйдзецца ўладальніку, прычым спагнаць плату з яго могуць у судовым парадку.

Апроч таго, у раёнах сталіцы праводзяцца акцыі па маніторынгу працэсу выгулу сабак. Іх гаспадароў знаёмяць з правіламі, нагадваюць, што за гадаванцам трэба прыбіраць. У выпадку парушэнняў правілаў на гаспадароў жывёл складаюць пратаколы: штраф можа дасягнуць пяці базавых велічынь. На сённяшні дзень у Мінску існуюць 49 пляцовак і 69 месцаў для выгулу сабак. Намеснік гендырэктара МГЖГ не адмаўляе: гэтага недастаткова, але за кошт будаўніцтва і ўшчыльнення горада колькасць такіх месцаў скарацілася.

seradzyuk@zvіazda.by

Загаловак у газеце: Генеральная прыборка

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.