Колькасць насельніцтва Кітая набліжаецца да 1,4 млрд. чалавек.
Паводле вынікаў выбарковага абследавання, па стане на 1 лістапада 2015 года колькасць насельніцтва мацерыковага Кітая склала 1 млрд. 373 млн. 490 тыс. чалавек. Пра гэта паведаміла днямі Дзяржаўнае статыстычнае ўпраўленне КНР, перадае агенцтва "Сіньхуа".
Апошні паказчык на 33,77 млн. чалавек больш лічбы на 1 лістапада 2010 г., якая склала 1 млрд. 339 млн. 720 тыс чалавек. Тэмпы росту за пяць гадоў склалі 2,52 працэнта пры сярэднегадовым росце ў 0,5 %.
Па разліках, у мацерыковым Кітаі налічваецца 409 млн. 470 тыс. сем'яў. Доля мужчын складае 51,22 працэнта -- 703 млн. 560 тыс. чалавек ад агульнай колькасці насельніцтва краіны, жанчын -- 669 млн. 930 тыс. (48,78 %).
Колькасць насельніцтва, што мае вышэйшую адукацыю, у мацерыковым Кітаі складае 170 млн. 930 тыс. чалавек. Колькасць гарадскога насельніцтва складае 767 млн. 500 тыс. чалавек -- 55, 88 % ад агульнай колькасці насельніцтва, сельскага -- 605 млн. 990 тыс. чалавек (44,12 %).
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
