Вы тут

Лічыльнік «Звязды»


Перад апошнімі выхаднымі красавіка на рынку не прайсці — людзі спяшаюцца падрыхтавацца да свята. Назіраю вялікія чэргі па самы запатрабаваны прадукт — курыныя яйкі, і сама станаўлюся ў адну з іх. Людзі бяруць іх латкамі па некалькі дзясяткаў: адборныя аддавалі па 19 тысяч рублёў, першай катэгорыі — па 17, у іншым месцы яны былі са зніжкай — па 15 тысяч рублёў за дзясятак. Два дзясяткі перапяліных яек у скрынках каштавалі па 27 альбо 30 тысяч рублёў.


Самы час паласавацца вітамінным салатам з радысу, агуркоў, пятрушкі і зялёнай цыбулі. За якую суму атрымаем такі пачастунак? Радыску амаль паўсюль прапануюць па стандартным кошце — 21-22 тысячы рублёў за пучок. Аднак калі пахадзіць і прыглядзецца больш уважліва, можна знайсці на 6-7 тысяч рублёў танней. Агуркі пад інтрыгуючай назвай «Кураж» ідуць па 32 тысячы рублёў за кілаграм. Пучкі пятрушкі і кропу аддаюць па 6 тысяч рублёў, цыбулю-пяро — па 3-5 тысяч рублёў. Памідоры, у адрозненне ад агуркоў, прадстаўлены ў асартыменце значна шырэй: іспанскія таматы каштуюць 30 тысяч рублёў за кілаграм, беларускія — на 15 тысяч даражэйшыя, невялічкія «чэры» — па 45-50 тысяч рублёў, а польскія «малінавыя» стануць вашымі за 60-70 тысяч рублёў. Балгарскія перцы трапіліся як па кошце 25 тысяч рублёў за кілаграм, так і па 60-75 тысяч рублёў, што роўна двум кілаграмам цукіні альбо белай рэдзькі. Некаторыя гаспадыні любяць дадаваць у салату чырвоную цыбулю. Кілаграм бардовых ялцінскіх цыбулін аблегчыць ваш кашалёк на 50 тысяч. Айчынная цыбуля ідзе па 14-15 тысяч за кілаграм, затое цыбуля-сявок — па 55 тысяч рублёў за кілаграм. Буракі і морква прыкладна ў адной коштавай катэгорыі — 11-12 тысяч рублёў за кілаграм. Часнок аддаюць паштучна — 8 тысяч рублёў за галоўку.

Які ж вясенні салат без дапаўнення — зваранай маладой бульбачкі? Прапануюць яе па 30-35 тысяч рублёў за кілаграм. Бульба «ва ўзросце» значна таннейшая: можна адшукаць і па 6, і па 8 тысяч рублёў за кілаграм. Душа жадае чаго іншага? Калі ласка: бачкавыя агуркі ёсць у наяўнасці па 30 і па 40 тысяч рублёў за кіло. Квашаную капусту аддаюць за 30 тысяч рублёў, а свежую — за 20 тысяч рублёў за кілаграм.

Каля прылаўкаў з айчыннай садавіной назіраю невялікі ажыятаж: людзі актыўна бяруць беларускія яблыкі. Выбраць з чаго ёсць: тут і «ананасавыя», і «яблык-груша», «дэ коста» па 16 тысяч рублёў за кілаграм, і буйныя чырвоныя прыгажуны «чорны прынц» (даражэйшыя на 4 тысячы рублёў). Груша «канферэнцыя» атрымліваецца ў сярэднім па 27 тысяч рублёў за кілаграм, а сакавіты «дзюшэс мядовы» даражэйшы на 10 тысяч рублёў.

Пошукі танных бананаў скончыліся няўдала: лепшы варыянт, які мне трапіўся, быў з пазнакай «27» на цэнніку. Многія прадаўцы аддаюць спелыя вялікія бананы не менш як па 30 тысяч рублёў за кіло. Нават італьянскія ківі выходзяць танней на 5 тысяч рублёў за кілаграм. А іспанскія апельсіны і мандарыны, наадварот, атрымліваюцца даражэйшымі за бананы на 5 тысяч рублёў. Дарэчы, фаварытаў мінулага месяца — апельсінаў гатунку «вашынгтон» — на гэты раз на прылаўках не аказалася.

Даволі шмат на прылаўках і грэцкіх клубніц: кілаграм гэтага смакоцця аблегчыць ваш кашалёк на 85 тысяч рублёў. Вялізныя спаскуслівыя гранаты каштуюць даволі прыстойна — 70-80 тысяч рублёў за кіло — за такія грошы прапануюць і кілаграм ананасаў. На іншым прылаўку ўбачыла проста багатырскія плады: перуанскія гранаты па 150 тысяч рублёў — для дакладнасці давялося перазапытаць пра кошт. Але ў маёй торбе ўжо назбіраліся яблыкі і грушы розных сартоў, таму сустрэчу з загадкавымі гранатамі давялося адкласці на наступны раз.

Лічыльнік «Звязды»

(цэны за кілаграм, калі не пазначана іншае)

Сала хатняе, салёнае — 100-145 тыс.

Сала вэнджанае — 150 тыс.

Свініна (кумпяк) — 90-120 тыс.

Цяляціна (кумпяк) — 120-150 тыс.

Курыца (філе) — 60 тыс.

Кураня бройлернае — 34 тыс.

Фарш (свініна-цяляціна) — 60 тыс.

Паляндвіца — 200 тыс.

Бастурма (ялавічына) — 270 тыс.

Сардэлькі (цяляціна) — 80 тыс.

Карэйка вострая — 140 тыс.

Акунь сыравэнджаны — 165 тыс.

Селядзец атлантычны салёны — 70 тыс.

Фарэль слабасалёная — 450 тыс.

Масла вяршковае (200 г) — 16-19 тыс.

Алей рафінаваны (1 л) — 23-25 тыс.

Грэчка (800 г) — 19 тыс.

Рыс «Жасмін» (800 г) — 19 тыс.

Загаловак у газеце: Яйкі бяруць латкамі...

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.