Вы тут

Музычны падарунак ад «Светача» — да Дня Перамогі


5 мая ў сталічным Доме кнігі «Светач» адбыўся флэшмоб «Песні Перамогі». Студэнты другога курса Беларускай дзяржаўнай акадэміі мастацтваў праспявалі знакамітую «Кацюшу» разам з супрацоўнікамі і наведвальнікамі кнігарні.


У кніжнай краме ішоў звычайны чацвер. Аматары літаратуры спакойна гарталі старонкі кніг і нават не здагадваліся, што сярод іх стаіліся будучыя акцёры музычнага тэатра. Зразумець, што хутка гэтае месца пераўтворыцца ў пляцоўку для «Песень Перамогі», можна было толькі праз незвычайную колькасць людзей з фотаапаратамі. З дынамікаў пачала гучаць музыка Мацвея Блантэра. Удзельнікі флэшмоба адышлі ад кніжных паліц і гучна заспявалі першыя радкі добра знаёмай «Кацюшы». Тыя, хто прыйшоў набыць кнігу, у якасці бонусу атрымалі музычны падарунак. Здзіўленыя пакупнікі сустрэлі ініцыятыву апладысментамі, а хтосьці нават пачаў падпяваць.

Ідэя правесці музычны флэшмоб належыць кіраўніку аддзела арганізацыі гандлю і рэкламы ААТ «Белкніга» Ганне Сіпаковай. Да Дня Перамогі «Белкніга» падрыхтавала не толькі спевы: у кнігарнях ужо стаяць асобныя стэнды з творамі на ваенную тэму.

Дар'я ЧАРНЯЎСКАЯ

Загаловак у газеце: Песні ў кнігарні

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».