Вы тут

Сустрэчу світання не забароняць


Выпускныя вечары пройдуць у сталічных школах 10 чэрвеня. Колькасць выпускнікоў сярэдняй школы крыху ўзрасла — да 8823 чалавек (гэта прыкладна на тысячу чалавек больш, чым у папярэднім годзе). Базавую школу заканчваюць 15814 навучэнцаў (таксама плюс тысяча чалавек).


Урачыстыя мерапрыемствы, прысвечаныя ўручэнню дакументаў аб адукацыі, стартуюць ва ўстановах адукацыі а 19-й гадзіне. Каб падкрэсліць значнасць і важнасць гэтага моманту для выпускнікоў, удзел ва ўрачыстасцях возьмуць прадстаўнікі мясцовай выканаўчай улады, шэфскіх арганізацый, органаў дзяржкіравання і вядомыя людзі.

«Працягласць правядзення ўрачыстых мерапрыемстваў вызначаюць бацькоўскія камітэты», — паведаміла начальнік аддзела выхаваўчай і ідэалагічнай работы камітэта па адукацыі Мінгарвыканкама Ганна Рысявец. Яна таксама дадала, што па прычыне абмежаванай уласнай матэрыяльна-тэхнічнай базы некаторыя ўстановы адукацыі (па ўзгадненні з адміністрацыямі раёнаў і камітэтам па адукацыі) правядуць выпускныя вечары на базе сацыякультурных аб'ектаў.

Яна таксама агучыла пазіцыю камітэта адносна традыцыі сустрэчы выпускнікамі світання. Паводле яе слоў, калі бацькоўскія камітэты і самі выпускнікі пажадаюць прытрымлівацца дадзенай традыцыі, то ўстановы адукацыі іх абмяжоўваць у гэтым не будуць. «Усе службы Мінгарвыканкама закліканы захаваць бяспеку правядзення мерапрыемстваў. Добрая традыцыя павінна захавацца», — падкрэсліла Ганна Рысявец. У камітэце па адукацыі а 18 гадзіне пачне працаваць каардынацыйны штаб. Аналагічныя штабы будуць працаваць і ў адміністрацыях раёнаў сталіцы.

А вось продаж спіртных напояў падчас правядзення выпускных вечароў па традыцыі будзе ў горадзе абмежаваны. Адпаведнае рашэнне падрыхтавана ўпраўленнем гандлю і паслуг.

nіkalaeva@zvіazda.by

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.