Вы тут

ДАІ заклікае бацькоў нагадаць дзецям аб Правілах дарожнага руху


Дзяржаўтаінспекцыя заклікае бацькоў нагадаць дзецям аб Правілах дарожнага руху напярэдадні летніх канікулаў.


Фота: goodfon.ru

Ва УДАІ ГУУС Мінгарвыканкама канстатуюць, што з надыходам доўгачаканых цёплых дзён і школьных летніх канікулаў у дзяцей з'явіцца шмат вольнага часу. Маршрут іх руху па вуліцах у сувязі з адсутнасцю заняткаў кардынальна зменіцца. Цяпер яны часцей будуць выязджаць на прагулкі ў паркі і іншыя месцы адпачынку. Многія будуць у якасці сродку перамяшчэння практычна штодня выкарыстоўваць веласіпед.

Між тым у Мінску сёлета зарэгістравана 10 ДТЗ з удзелам дзяцей ва ўзросце да 16 гадоў (мінус 28,6 працэнта да 2015 года). Здарэнняў, у якіх дзеці загінулі, на шчасце, не зарэгістравана. Аднак 10 дзяцей атрымалі цялесныя пашкоджанні рознай ступені цяжкасці, з іх 6 — пешаходы, 3 — пасажыры, 1 — веласіпедыст. Прычынай аварый, як правіла, становяцца пераход праезнай часткі ў неўстаноўленым месцы, нечаканы выхад з-за транспартнага сродку або іншай перашкоды, гульня на праезнай частцы, невыкананне кіроўцамі правілаў праезду пешаходных пераходаў. Дарожная міліцыя нагадвае таксама, што з 25 мая па 5 чэрвеня праводзіўся комплекс мерапрыемстваў «Увага — дзеці!». Асаблівая ўвага будзе ўдзелена выкананню правілаў перавозкі дзяцей з абавязковым выкарыстаннем дзіцячых утрымліваючых прылад. У дарожнай міліцыі падкрэслілі, што кіроўцам трэба быць гатовымі да раптоўнага з'яўлення дзяцей на дарозе, асабліва паблізу кінатэатраў, паркаў, прыпынкаў грамадскага транспарту.

Загаловак у газеце: Каб канікулы прайшлі ў бяспецы

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.