Вы тут

Больш чым 7 тысяч чалавек прызваны на тэрміновую вайсковую службу


Больш чым 7 тысяч чалавек, прызваных на тэрміновую вайсковую службу, у мінулую суботу вымавілі словы прысягі. Клятву на вернасць Радзіме далі і тыя, хто праходзіць службу ў рэзерве.


Па традыцыі павіншаваць маладых вайскоўцаў у злучэнні і воінскія часці прыбылі прадстаўнікі Міністэрства абароны, мясцовых органаў улады, грамадскіх арганізацый, духавенства, ветэраны, родныя і блізкія ваеннаслужачых.

Міністр абароны генерал-лейтэнант Андрэй Раўкоў паўдзельнічаў у цырымоніі прыняцця ваеннай прысягі ў 72-м гвардзейскім Аб'яднаным вучэбным цэнтры падрыхтоўкі прапаршчыкаў і малодшых спецыялістаў, дзе ўрачыстыя словы вымавілі каля 1800 вайскоўцаў.

— Вы сталі паўнапраўнымі абаронцамі сваёй Айчыны, і беларускі народ давярае вам самае дарагое — забеспячэнне ваеннай бяспекі нашай суверэннай, незалежнай Беларусі, — звярнуўся да новага папаўнення міністр абароны генерал-лейтэнант Андрэй РАЎКОЎ. — Я ўпэўнены, што пад кіраўніцтвам вопытных камандзіраў учарашнія школьнікі і студэнты паспяхова засвояць праграму баявой падрыхтоўкі і з гонарам выканаюць свой канстытуцыйны абавязак.

Акрамя таго, міністр адзначыў, што падзеі апошніх гадоў прадэманстравалі трываласць нашай дзяржавы, усёй сістэмы нацыянальнай бяспекі краіны. «На фоне войнаў і канфліктаў у свеце Беларусь паказвае здольнасць надзейна забяспечыць мір і стабільнасць у краіне, дэманструе найвышэйшую згуртаванасць беларускага грамадства», — падкрэсліў кіраўнік ваеннага ведамства.

Маштабная цырымонія прыняцця прысягі таксама адбылася і ў гісторыка-мемарыяльным комплексе «Брэсцкая крэпасць-герой».

kanyuta@zvіazda.by

Загаловак у газеце: Галоўная клятва

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.