У выніку тэракта ў стамбульскім аэрапорце Атацюрка, які адбыўся позна ўвечары 28 чэрвеня, колькасць загінулых ужо дасягнула 43 чалавек, каля 140 атрымалі раненні.
Тры выбухі прагучалі ў міжнародным тэрмінале аэрапорта. Выбуховыя прылады прывялі ў дзеянне тэратысты-смяротнікі. Адказнасць за тое, што адбылося, узяла на сябе забароненая ў многіх краінах тэрарыстычная групоўка «Ісламская дзяржава». Згодна з інфармацыяй міністэрства аховы здароўя Турцыі, падчас атакі на аэрапорт, акрамя грамадзян гэтай краіны, пацярпелі і іншаземцы. На шчасце, нашых суайчыннікаў сярод іх няма. Такія звесткі выкладзены ў сумесным твітар-акаўнце пасольства Беларусі ў Турцыі і генеральнага консульства Беларусі ў Стамбуле. Чаго не скажаш пра грамадзян іншых краін: у спісе загінулых значацца восем іншаземцаў, сярод якіх, згодна з апошнімі звесткамі, узбек і ўкраінка, яшчэ ў пяці ахвяр тэракта было падвойнае грамадзянства.
Прэзідэнт Беларусі Аляксандр Лукашэнка ад імя беларускага народа і сябе асабіста выказаў шчырыя спачуванні Прэзідэнту Турэцкай Рэспублікі Рэджэпу Таіпу Эрдагону, родным і блізкім загінулых у аэрапорце Стамбула. Ён адзначыў, што паведамленне аб вялікай колькасці загінулых і параненых мірных грамадзян адазвалася глыбокім болем у сэрцы кожнага беларуса. А наяўнасць сярод іх жанчын і дзяцей асабліва падкрэсліла нечалавечую сутнасць заказчыкаў і выканаўцаў тэракта.
Сяргей СТАРЫНАЎ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
