Каманды юных выратавальнікаў з 12 краін сабраліся пад Гомелем, каб вызначыць, хто мацнейшы. ХIV міжнародны злёт праходзіць на базе ліцэя пры Гомельскім інжынерным інстытуце МНС Рэспублікі Беларусь. У ім прымаюць удзел дзіцячыя каманды з Азербайджана, Беларусі, Балгарыі, Грузіі, Італіі, Казахстана, Літвы, Латвіі, Польшчы, Расіі, Сербіі і Украіны.
Праграма маштабнага дзіцячага лагера абяцае быць насычанай і разнастайнай. Конкурсы па дартсу, развядзенню вогнішча, аказанні першай медыцынскай дапамогі, баявому разгортванню і нават ліквідацыі надзвычайнай сітуацыі тэхнагеннага характару вызначаць падрыхтаванасць маладых людзей да дзеянняў у складаных жыццёвых сітуацыях. Падлеткі стануць удзельнікамі трэнінгаў і майстар-класаў, падчас творчых конкурсаў пазнаёмяць сяброў з асаблівасцямі сваёй нацыянальнай культуры, паспаборнічаюць за званне "Містар" і "Міс" злёту...
Асноўнай мэтай злёту дарослыя лічаць пошук новых эфектыўных форм работы з моладдзю па фармаванні культуры бяспекі ў грамадстве і памяншэнні гібелі і траўматызму дзяцей у надзвычайных сітуацыях, а таксама валоданне навыкамі выратавання ў надзвычайных сітуацыях, усталяванне доўгатэрміновага партнёрства і супрацоўніцтва паміж дзяржаўнымі, грамадскімі і міжнароднымі структурамі ў гэтай сферы, і, канешне, патрыятычнае выхаванне моладзі. Вынікі будуць падведзены праз тыдзень, 15 ліпеня.
Ірына АСТАШКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».