Вы тут

Беларус заваяваў серабро на матэматычнай алімпіядзе ў Ганконгу


Выпускнік Шчучынскай гімназіі Андрэй Асанаў заваяваў серабро 57-й міжнароднай матэматычнай алімпіяды ў Ганконгу.


У гэтым годзе ў ёй удзельнічалі зборныя 109 краін (па 6 прадстаўнікоў у камандах). Зборная Беларусі прывезла з інтэлектуальных спаборніцтваў таксама чатыры бронзавыя медалі, адзін пахвальны водгук і заняла 57-е месца ў рэйтынгу краін. З «бронзай» вярнуліся дадому Ягор Дубовік (гімназія №51 г. Гомеля), Ілья Пчалінцаў, Аляксандр Юран (абодва — выхаванцы Ліцэя БДУ) і Барыс Серанкоў (гімназія №41 г.Мінска). Дарэчы, Андрэй Асанаў ужо падаў дакументы ў Белдзяржуніверсітэт на спецыяльнасць «прыкладная матэматыка», дзе яму гарантавана пазаконкурснае залічэнне.

Вельмі паспяховым стала і выступленне беларускіх школьнікаў на 47-й Міжнароднай фізічнай алімпіядзе ў Цюрыху (Швейцарыя). Спаборніцтвы ўключалі два туры: цягам пяці гадзін удзельнікі выконвалі эксперыментальныя работы на сучасным абсталяванні, а потым вырашалі тэарэтычныя задачы, прапанаваныя арганізатарамі. У выніку прадстаўнікі беларускай школы заваявалі чатыры ўзнагароды рознай вартасці: «золата» — Эрык Камлык (Гродзенская гарадская гімназія), «серабро» — Ян Лагоўскі (выпускнік Ліцэя БДУ), «бронзу» — Павел Цай (гімназія №29 г. Мінска) і Віталь Вістуноў (СШ №16 г. Полацка).

У VІІІ міжнародным турніры юных матэматыкаў у Санкт-Пецярбургу ўдзельнічалі дзве беларускія каманды. Ва ўпартай барацьбе з традыцыйна моцнымі сапернікамі з Францыі, Германіі, Балгарыі, Румыніі і Расіі яны заваявалі «серабро» і «бронзу».

З «бронзай» вярнуліся нашы школьнікі і з Міжнароднага турніру юных фізікаў, які прайшоў у Екацярынбургу. Каманда Беларусі змагалася сярод 29 каманд з Еўропы, Азіі, Аўстраліі, Паўночнай і Паўднёвай Амерыкі. Турнір складаецца з некалькіх паслядоўных баёў. Каманды на англійскай мове прэзентуюць свае даследаванні па прапанаваных заданнях, а таксама выступаюць у ролі апанентаў і рэцэнзентаў для іншых удзельнікаў. Каб трапіць на п'едэстал, нашым школьнікам давялося прадэманстраваць не толькі глыбокія веды па фізіцы, але і навыкі публічнага выступлення і здольнасці да хуткага і глыбокага аналізу чужога рашэння задачы.

Надзея НІКАЛАЕВА

nіkalaeva@zvіazda.by

Загаловак у газеце: У скарбонцы — россып узнагарод

Выбар рэдакцыі

Эканоміка

Чым здзівіць «БЕЛАГРА-2024»?

Чым здзівіць «БЕЛАГРА-2024»?

У рамках дзелавой праграмы выставы пройдзе каля 20 тэматычных семінараў і канферэнцый.

Сям'я і дэмаграфія

Надзея Ластоўская: Калі ты багацейшы, дапамажы іншаму

Надзея Ластоўская: Калі ты багацейшы, дапамажы іншаму

Якія прынцыпы закладвае ў выхаванне сваіх дзяцей лаўрэат рэспубліканскага конкурсу «Жанчына года»?

Рэлігія

200 гадоў пад заступніцтвам Пятра і Паўла

200 гадоў пад заступніцтвам Пятра і Паўла

Гомельскі кафедральны Свята-Петра-Паўласкі сабор — адзін з самых велічных праваслаўных храмаў Беларусі, адзін з нямногіх помнікаў архітэктуры зрэлага класіцызму, які захаваўся да нашых дзён.