Судом Гродзенскага раёна пакараны мужчына, які стаў віноўнікам дтз у нецвярозым стане.
Паводле інфармацыі Гродзенскай абласной Дзяржаўтаінспекцыі, вечарам 39-гадовы М. ехаў дахаты ад знаёмай з пасёлка Пагранічны Бераставіцкага раёна, ужыўшы перад гэтым спіртное — гарэлку і сідр. У вёсцы Гібулічы аўтамабіль «Фольксваген-Шаран», які імчаў з вялікай хуткасцю, спыніў інспектар ДАІ. Аднак экстраннае тармажэнне не атрымалася безаварыйным: машына наскочыла на «Форд», які стаяў на ўзбочыне. Як засведчыла экспертыза, колькасць алкаголю ў арганізме віноўніка аварыі перавышала максімальна дапушчальную амаль у 11 разоў.
Суд прызнаў у дзеяннях нецвярозага кіроўцы наяўнасць рэцыдыву. М. 11 разоў затрымліваўся п'яным і тройчы за кіраванне транспартным сродкам у нецвярозым стане прыцягваўся да крымінальнай адказнасці, апошні раз — у 2012 годзе. І зноў ухіліўся ад выканання прысуду, сеўшы за руль, калі яшчэ не скончыўся тэрмін забароны на кіраванне аўтамабілем. У выніку яго канфіскацыяй пакаранне не абмежавалася. М. накіраваны на год у папраўчую калонію агульнага рэжыму, на 5 гадоў пазбаўлены права на кіраванне транспартнымі сродкамі і, акрамя таго, пройдзе прымусовае лячэнне ад хранічнага алкагалізму.
Барыс ПРАКОПЧЫК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.