З 30 ліпеня па 13 жніўня палігоны Расійскай Федэрацыі і Рэспублікі Казахстан стануць пляцоўкамі буйных спаборніцтваў сярод вайскоўцаў. У «Армейскіх міжнародных гульнях — 2016» возьмуць удзел і беларускія ваеннаслужачыя.
На працягу двух тыдняў нашы вайскоўцы прадэманструюць сваё майстэрства ў 8 конкурсах. Лётныя экіпажы паспаборнічаюць у конкурсе «Авіядартс», танкавыя — у «Танкавым біятлоне». У конкурсе «Дэсантны ўзвод» за пальму першынства пазмагаюцца дэсантнікі, разлікі зенітна-артылерыйскіх і зенітна-ракетных падраздзяленняў падзеляцца сваім вопытам у спаборніцтве «Чыстае неба». Каманды снайперскіх пар і ваенных інжынераў прымуць удзел у этапах «Снайперскі рубеж» і «Бяспечны маршрут» адпаведна. Свае ўменні пакажуць і разлікі зенітна-ракетных войск (конкурс «Ключы ад неба»), спецыялісты службовага сабакаводства (конкурс «Верны сябар»).
Першымі ў Расію адправіліся нашы дэсантнікі. У конкурсе «Дэсантны ўзвод» беларускую каманду прадставіць мабільны ўзвод 38-й асобнай гвардзейскай мабільнай брыгады сіл спецыяльных аперацый. Поспехаў вам, вайскоўцы!
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
