Уладальнік матацыкла «БМВ», зарэгістраванага ў Японіі, напэўна, не думаў, у колькі абыдзецца яму пакінуты ў чужой краіне «жалезны конь». У мінулым жніўні ён перасек на ім мяжу Беларусі ў пункце пропуску Брэсцкай мытні, але назад своечасова не вывез, чым парушыў заканадаўства Еўразійскага эканамічнага саюза, якое дазваляе замежным грамадзянам увозіць транспартныя сродкі без выплаты мытных плацяжоў толькі на пэўны тэрмін. А калі паўстала неабходнасць пакінуць іх у краіне, трэба заплаціць мытныя плацяжы.
Ад магілёўскіх мытнікаў гаспадар матацыкла даведаўся, што парушыў закон і павінен выплаціць штраф у памеры 2,6 тысячы (26 мільёнаў недэнамінаваных) рублёў. Жыхар Японіі прызнаў віну і цалкам пагасіў доўг. У сваё апраўданне ён сказаў, што пакінуў матацыкл ненаўмысна. Проста яго транспарт быў пашкоджаны падчас ДТЗ.
Усяго летась за аналагічныя правапарушэнні з замежных грамадзян было спагнана ў бюджэт краіны каля 3 мільярдаў недэнамінаваных рублёў, паведамілі ў прэс-цэнтры Магілёўскай мытні.
Нэлі ЗІГУЛЯ
Не выявіць ні секунды абыякавасці.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
