Віцэ-маршал сейма Рэспублікі Польшча Рышард Цярлецкі наведаў нашу краіну. За апошнія гады гэта першы візіт на такім высокім узроўні.
Старшыня Савета Рэспублікі Міхаіл Мясніковіч на сустрэчы з польскім палітыкам адзначыў, што гэты візіт адкрывае новую старонку ў двухбаковым супрацоўніцтве.
Адным з «флагманаў» беларуска-польскіх адносін з'яўляецца навукова-тэхнічнае супрацоўніцтва. Цяпер сумесна рэалізуюцца 103 праекты. З іх 22 — у галіне аграрнай навукі, а 17 — гуманітарныя. Асабліва спікер верхняй палаты беларускага парламента адзначыў працу фізікаў і матэматыкаў. Іншым перспектыўным кірункам з'яўляецца пашырэнне эканамічных адносін.
— Летась адбыўся пэўны спад у эканамічным супрацоўніцтве — заўважыў Міхаіл Мясніковіч. — Для гэтага ёсць і аб'ектыўныя прычыны. Але мы зацікаўленыя ў тым, каб польска-беларускіх праектаў было больш. З улікам таго, што мы займаем дастаткова актыўную пазіцыю ў Еўразійскім эканамічным саюзе, думаю, польскаму бізнесу сумесныя праекты будуць вельмі выгадныя. Супрацоўнічаючы з Беларуссю, можна працаваць з усімі 160 мільёнамі спажыўцоў Адзінай эканамічнай прасторы.
Старшыня Палаты прадстаўнікоў Нацыянальнага сходу Уладзімір АНДРЭЙЧАНКА падчас размовы з Рышардам Цярлецкім выказаў меркаванне, што падобныя сустрэчы дазваляюць зблізіць пазіцыі дзвюх краін па асобных пытаннях і выпрацаваць шляхі развіцця адносін — у тым ліку міжпарламенцкіх — на бліжэйшую перспектыву.
— Беларусь і Польшча — суседзі, і мы блізкія не толькі ў геаграфічным плане, — заявіў Уладзімір Андрэйчанка. — Беларускія парламентарыі гатовы да дыялогу, да канструктыўнага ўзаемавыгаднага супрацоўніцтва.
Надзея АНІСОВІЧ, Надзея ЮШКЕВІЧ
Мерапрыемства праводзіцца на добраахвотнай аснове.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.