Спецыяльныя модульныя адукацыйныя цэнтры будуць створаны па ўсёй Гомельшчыне. Мяркуецца, што з дзецьмі ў гульнявой форме і ў спецыяльных памяшканнях будуць прапрацоўвацца мадэлі паводзінаў, напрыклад, пры пажары, галалёдзе, з маскітнай сеткай і многія іншыя.
Практычныя заняткі арыентаваны на дзяцей малодшага і сярэдняга школьнага ўзросту, а таксама іх бацькоў. Яны павінны навучыць правільна паводзіць сябе ў бытавых сітуацыях, якія часта прыводзяць да траўмаў ці гібелі. Да барацьбы за дзяцей будуць прыцягнуты медыкі і праваахоўнікі, а таксама спецыялісты МНС і канкрэтныя сем'і. Даручэнне пра стварэнне новай структуры даў падчас выступлення на абласным жнівеньскім педсавеце старшыня Гомельскага аблвыканкама Уладзімір Дворнік.
Стварэнне цэнтраў будзе працягам работы па прафілактыцы няшчасных выпадкаў сярод дзяцей. Дарэчы, у першым паўгоддзі на Гомельшчыне гібель непаўналетніх ад вонкавых прычын зніжана. З дзецьмі сёлета здарылася на 38% менш трагедый. Меней у вобласці зафіксавана і правапарушэнняў з непаўналетнімі.
Ірына АСТАШКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
