У курортным пасёлку Нарач, што ў Мядзельскім раёне, 1 верасня гасцінна расчыніць дзверы новая школа на 510 месцаў, дзе будуць вучыцца дзеці з 1-га па 11-ты клас у адну змену.
У школе створаны ўсе ўмовы як для вучобы, так і для фізічнага развіцця школьнікаў. Тут прадугледжана спартыўная зала плошчай 540 квадратных метраў з пляцоўкамі для заняткаў рознымі відамі спорту, а таксама трэнажорная зала амаль на 100 квадратаў. Ёсць і актавая зала на 152 месцы з сучасным аснашчэннем, сцэнай. Акрамя таго, у новым будынку размясціліся кабінеты інфарматыкі, фізікі, хіміі, біялогіі, майстэрні тэхнічнай абслуговай працы для хлопчыкаў і дзяўчатак. Уражвае і спартыўная вонкавая зона: вялікі стадыён, пляцоўкі для навучальнага працэсу і пазакласнай работы: геаграфічная, па вывучэнні правіл дарожнага руху. Яны выкананы з дапамогай сучаснага пакрыцця на аснове гумавай крошкі, у спалучэнні з газонамі, тратуарнай пліткай, асфальтам.
За аснову ўзяты праект, што рэалізаваны ў Астраўцы Гродзенскай вобласці. Але на Міншчыне яго цалкам адаптавалі да мясцовых умоў, да ўжо існуючай інжынернай інфраструктуры: водаправодных, электрычных, каналізацыйных, ацяпляльных сетак. Усё гэта дазволіла зрабіць кошт будаўніцтва больш танным. Гэты праект максімальна просты, але прадугледжвае ўсё неабходнае, каб якасна арганізаваць навучальна-выхаваўчы працэс у адну змену.
Таццяна ЛАЗОЎСКАЯ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
