Старшыня праўлення «Банка развіцця Рэспублікі Беларусь» Сяргей Румас перадасць 10 школьных аўтобусаў МАЗ мадэлі 241S30 упраўленню адукацыі Магілёўскага абласнога выканаўчага камітэта.
Перадача аўтобусаў пройдзе ў рамках праграмы, якая рэалізуецца банкам і прадугледжвае набыццё на працягу 2013—2017 гадоў не менш як 300 адзінак спецыяльна абсталяваных школьных аўтобусаў. Плануецца, што праграма дазволіць цалкам вырашыць праблему забеспячэння падвозу дзяцей у сельскай мясцовасці да месцаў навучання і назад.
Пасля заканчэння ўрачыстай цырымоніі адбудзецца прэзентацыя новай мадэлі школьнага аўтобуса МАЗ 257, а таксама наведванне лабараторыі, абсталяванай аргтэхнікай, якая была выкарыстана падчас распрацоўкі новай мадэлі. Спонсарская дапамога на закупку гэтай тэхнікі была аказана Банкам развіцця. Дарэчы, такім жа чынам летась была прадстаўлена ўдасканаленая мадэль аўтобусаў 241S30, на якой ужо ў гэтым годзе ў школу будуць ездзіць маленькія жыхары Магілёўшчыны.
Стварэнне новай мадэлі школьнага аўтобуса МАЗ 257 праводзілася з улікам водгукаў і пажаданняў арганізацый, якія непасрэдна карыстаюцца аўтобусамі. Адначасова на ім можна перавозіць да 28 школьнікаў. Кожнае месца абсталявана чатырохкропкавымі рамянямі бяспекі. Усе астатнія змены і ўдасканаленні канструкцыі новага школьнага аўтобуса дазволяць зрабіць рух па сельскіх дарогах больш бяспечным.
Вераніка ПУСТАВІТ
Закуліссе адкрытага сэрца.
Век жыві — век вучыся.
На што здольная абноўленая версія кабінета?
Разбіраемся разам з урачом па медыцынскай прафілактыцы.
