Вы тут

Заканчваецца акрэдытацыя замежных СМІ, якія будуць асвятляць выбары


Да дня парламенцкіх выбараў застаўся тыдзень «з хвосцікам», да пачатку датэрміновага галасавання некалькі дзён. Традыцыйна прагаласаваць можна будзе не толькі ў краіне, але і за мяжой — калі чалавек знаходзіцца, напрыклад, у службовай камандзіроўцы. Дзмітрый МІРОНЧЫК, начальнік упраўлення інфармацыі — прэс-сакратар Міністэрства замежных спраў, на чарговым брыфінгу паведаміў, што арганізацыя галасавання на замежных выбарчых участках ўскладзена на выбарчыя камісіі, якія там утвораны.


— Мы, са свайго боку, аказваем усё неабходнае і прадугледжанае заканадаўствам садзейнічанне ў рабоце выбарчых камісій, — адзначыў прадстаўнік дыпламатычнага ведамства. — Разлічваем на тое, што галасаванне пройдзе ў поўнай адпаведнасці з нашым выбарчым заканадаўствам і ўсе грамадзяне Рэспублікі Беларусь, якія за мяжой хацелі б аддаць свой голас на выбарах, атрымаюць такую магчымасць і паспяхова ёю скарыстаюцца на выбарчых участках, арганізаваных на базе дыпламатычных прадстаўніцтваў і консульскіх устаноў Рэспублікі Беларусь.

Што да прадстаўнікоў замежных сродкаў масавай інфармацыі, якія хацелі б асвятляць выбары ў нашай краіне, то па стане на 1 верасня ў Міністэрства замежных спраў даслалі 59 заявак на акрэдытацыю.

— Сярод іх прадстаўнікі такіх буйных СМІ, як расійскае інфармацыйнае агенцтва «ТАСС», кітайская тэлерадыёкампанія CCTV, катарскі тэлеканал «Аль-Джазіра», шэраг буйных еўрапейскіх СМІ (напрыклад, нямецкае Duetschlandradіo), — пералічыў Дзмітрый Мірончык. — Акрамя гэтага, на пастаяннай аснове ў Беларусі акрэдытавана больш за 270 прадстаўнікоў замежных СМІ. Мы зыходзім з таго, што яны таксама праявяць цікавасць да парламенцкіх выбараў.

Па словах Дзмітрыя Мірончыка, заяўкі на акрэдытацыю журналістаў замежных СМІ для асвятлення выбараў у Палату прадстаўнікоў Нацыянальнага сходу МЗС прымае да 4 верасня.

— Таму, не выключаю, а нават мяркую, што да гэтага часу колькасць журналістаў, якія падалі дакументы, можа ўзрасці, — дадаў дыпламат.

Надзея ЮШКЕВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».