БСЖ правёў маніторынг СМІ па асвятленні выбарчай кампаніі

Грамадскае аб'яднанне "Беларускі саюз журналістаў" правяло маніторынг сродкаў масавай інфармацыі па асвятленні выбараў дэпутатаў Палаты прадстаўнікоў Нацыянальнага сходу Рэспублікі Беларусь шостага склікання. Прадметам маніторынгу сталі матэрыялы вядучых СМІ і інтэрнэт-рэсурсаў за перыяд 15-29 жніўня 2016 года.

Па выніках маніторынгу адзначаецца наступнае.

У дзяржаўных СМІ планамерна асвятляюцца ўсе этапы выбарчай кампаніі ў адпаведнасці з дзеючым заканадаўствам, публікуюцца праграмы кандыдатаў. Пры гэтым забяспечваюцца роўныя ўмовы для ўдзельнікаў выбарчага працэсу, па-за залежнасці ад іх партыйнай прыналежнасці і палітычных поглядаў. Гэта з'яўляецца сведчаннем транспарэнтнасці парламенцкіх выбараў, наяўнасці высокай канкурэнцыі за права стаць дэпутатам нацыянальнага Парламента.

У матэрыялах вядучых недзяржаўных СМІ і інтэрнэт-рэсурсаў прыярытэт аддаецца кандыдатам ад апазіцыйных партый і рухаў. Дзейнасць кандыдатаў, якія стаяць на прадзяржаўных пазіцыях,  асабліва дзяржаўных служачых, дэпутатаў дзеючага Парламента, асвятляецца пераважна з адмоўнага боку.

Некаторыя інтэрнэт-рэсурсы, у першую чаргу размешчаныя за межамі даменнай зоны .by, практычна не надаюць увагі выбарчай кампаніі. Замест гэтага яны ўвесь час мусіруюць тэзіс аб "адсутнасці ў Беларусі свабодных выбараў", робяць упор на нібыта маючыя месца фальсіфікацыі з боку ўладаў.

Асобныя матэрыялы такіх рэсурсаў утрымліваюць заклікі да правядзення масавых акцый пратэсту і фактычнага зрыву выбараў, што з'яўляецца грубым парушэннем выбарчага заканадаўства.

Беларускі саюз журналістаў заклікае рэдакцыі сродкаў масавай інфармацыі, уладальнікаў інтэрнэт-рэсурсаў, у час, што застаўся да завяршэння выбарчай кампані, строга выконваць дзейнае заканадаўства, як выбарчае, так і ў галіне сродкаў масавай інфармацыі.

Беларускі саюз журналістаў прадаставіць вынікі маніторынгу ў Цэнтрвыбаркам, Міністэрства інфармацыі Рэспублікі Беларусь, місіям назіральнікаў за выбарамі ў Парламент.