Вы тут

Дыстанцыйная матэматычная школа распачынае сваю працу ў БДУ


Абноўленая версія дыстанцыйнай матэматычнай школы распачынае сваю працу ў БДУ.


Да гэтага часу дыстанцыйная падрыхтоўка па матэматыцы прапаноўвалася толькі старшакласнікам, але з новага навучальнага года трапіць у анлайн-школу змогуць вучні з 7-га па 11-ты клас.

Кожны анлайн-занятак складаецца з тэарэтычнага матэрыялу, задання для самастойнай працы і кантрольнага задання. Тлумачэнні па тэмах аформлены ў фармаце, зручным для чытання на любых прыладах. Акрамя таго, выкладчыкі БДУ гарантуюць удакладняльныя каментарыі. Адказы і рашэнні задач для самастойнай працы становяцца даступнымі к моманту адкрыцця кантрольнага задання. Да канца каляндарнага тыдня, адведзенага на вывучэнне тэмы, усе свае дзеянні школьнікі змогуць абмеркаваць на форумах і ў чатах як са сваімі аднагодкамі, так і з выкладчыкамі і студэнтамі механіка-матэматычнага факультэта БДУ. Адным з новаўвядзенняў школы з'яўляецца размяшчэнне спасылак на відэаўрокі з інтэрнэту, якія дапаўняюць асноўны навучальны матэрыял.

Дыстанцыйная матэматычная школа будзе працаваць кругласутачна 365 дзён на годзе. Усяго мяркуецца правядзенне 30-ці заняткаў у кожным класе. На канікулах школьнікі будуць адпачываць. Праграма ўключае 150 тэм, 3000 задач з рашэннямі і 1500 задач з адказамі. Навучанне ў дыстанцыйнай матэматычнай школе бясплатнае.

Выбар рэдакцыі

Спорт

Сяргей Блоцкі: Наша задача — навучыць спартсмена думаць

Сяргей Блоцкі: Наша задача — навучыць спартсмена думаць

Як у Мазыры асвойваюць навуку перамагаць.

Эканоміка

Якія задачы стаяць перад машынабудаўнікамі сёлета?

Якія задачы стаяць перад машынабудаўнікамі сёлета?

Змяняецца вектар у знешнім гандлі.