Бургамістр Аўгустова Войцэх ВАЛЮЛІК у свой афіцыйны візіт да суседзяў накіраваўся не аўтамабілем, а на байдарцы. Мэр Гродна Мечыслаў ГОЙ і старшыня гарадскога Савета дэпутатаў Барыс ФЁДАРАЎ сустракалі гасцей у раёне цэнтральнага пляжа на Нёмане.
Разам з кіраўніком адміністрацыі Аўгустова (дарэчы, шматразовым чэмпіёнам Польшчы ў веславанні на байдарках) водным шляхам паміж суседнімі гарадамі прайшлі вядомыя польскія весляры — у бязвізавым рэжыме, які ўстаноўлены Указам Прэзідэнта Беларусі для замежных грамадзян пры наведванні турысцка-рэкрэацыйнага парку «Аўгустоўскі канал» і прылеглых да яго тэрыторый.
— Сплаў польскай дэлегацыі паказаў, што водны шлях у Гродна існуе і, спадзяёмся, будзе запатрабаваны, — зазначыў Мечыслаў Гой.
— Магчымасць наведвання беларускай часткі Аўгустоўскага канала без віз адкрые яшчэ большыя перспектывы для ажыццяўлення сумесных турыстычных праектаў, і наш сплаў, думаю, стане для гэтага добрай рэкламай, — лічыць Войцэх Валюлік.
Гэтыя перспектывы суседзі падмацавалі пагадненнем аб супрацоўніцтве ў розных сферах. Зараз, напрыклад, рыхтуецца сумесны трансгранічны праект па будаўніцтве веласіпедна-пешаходных мастоў праз Нёман у Гродне і праз раку Нета ў Аўгустове, які будзе пададзены на конкурс праграмы міжнароднай тэхнічнай дапамогі.
Барыс ПРАКОПЧЫК
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
