Супрацоўнік ДАІ Цэнтральнага РУУС сталіцы затрымаў п'янага матацыкліста. Адбылося гэта насупраць будынка... райаддзела.
Удзень кіроўца матацыкла «Мінск», рухаючыся па Старавіленскім тракце, не справіўся з кіраваннем і ўпаў насупраць будынка па вуліцы Арлоўскай. Менавіта ў ім месціцца Цэнтральны РУУС. Побач з месцам падзення быў супрацоўнік ДАІ, які аказаў дапамогу матацыклісту. Пры гэтым ён адчуў ад маладога чалавека пах алкаголю, што і стала нагодай для яго медыцынскага агляду. Апошні засведчыў 0,9 праміле алкаголю. Апроч таго, у кіроўцы адсутнічала вадзіцельскае пасведчанне, якое, як высветлілася, ён і не атрымліваў, а рэгістрацыйны знак матацыкла належаў іншаму транспартнаму сродку.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
