Вы тут

Жыхары Бялыніцкага раёна займаюцца рамонтам і ачысткай калодзежаў


Па ініцыятыве Лебядзянкаўскага сельскага Савета Бялыніцкага раёна жыхары вёсак, якія ўваходзяць у склад гэтай тэрытарыяльнай адзінкі, актыўна займаюцца добраўпарадкаваннем сваіх паселішчаў.


Зі­на­і­да Які­мен­ка: «Мой зяць Аляк­сандр і ка­ло­дзеж ад­ра­ман­та­ваў, і ся­дзі­бу да ла­ду да­вёў!»

— Сельскія Саветы з'яўляюцца не толькі выканаўчым і распарадчым органамі ўлады, але і адказваюць за падтрыманне ў належным стане асноўных вясковых аб'ектаў, — гаворыць Леанід Коршунаў, старшыня Лебядзянкаўскага сельскага Савета. — Асаблівая ўвага надаецца рамонту і чыстцы калодзежаў. Справа гэтая клопатная і нятанная, таму выйшаў да людзей з прапановай самім займацца добраўпарадкаваннем прылеглых да іх сядзіб крыніц пітной вады.

Ініцыятыву старшыні падтрымалі ў Рудні, Гуце, Барсуках і Лебядзянцы. Зразумела, што ніхто лепш за саміх людзей не паклапоціцца аб іх жыццёвых выгодах. Адзінае, што папрасілі вяскоўцы ў старшыні — дапамагчы з набыццём патрэбных будаўнічых матэрыялаў. А мясцовы фермер Аляксандр Клімянкоў выдзеліў бясплатна для патрэб рамонтнікаў слупы і дошкі са сваёй піларамы.

— Мой зяць Аляксандр Крысянкоў і яго знаёмы Анатоль Міхасёў займаліся рамонтам, — паказвае рукой на акуратны «дамок» калодзежа жыхарка вёскі Рудня, 84-гадовая Зінаіда Якіменка. — Мы купілі хату пад лецішча тры гады таму. Дом знаходзіўся ў непрыглядным стане, участак быў запушчаны. Дзякуючы працавітым рукам зяця і маёй дачкі Ліды, сядзіба расквітнела. І пра калодзеж не забыліся. Вадой з яго карыстаемся не толькі мы, але і суседзі, і дачнікі, якія прыязджаюць па выхадных.

Калодзеж каля сядзібы руднянскай пенсіянеркі Кацярыны Леўшуковай таксама прайшоў своеасаблівую мадэрнізацыю.

Гэ­ты ка­ло­дзеж у вёс­цы Гу­та ад­ра­ман­та­ва­лі бра­ты Ана­толь  і Аляк­сандр ЛЕЎ­ШУ­КО­ВЫ.

— Прыемна з вёдрамі сюды прыйсці, — гаворыць пажылая жанчына. — Вада закрытая, смецце не ляціць. Чыстая, як слязінка, смачная! Такой вадзіцай не сорамна і людзей пачаставаць.

У вёсцы Гута мясцовыя жыхары адрамантавалі адзін калодзеж і пачалі работы па аднаўленні другога.

— Тое, што жыхары нашых вёсак самі даглядаюць крыніцы водазабеспячэння, не толькі станоўча ўплывае на эканомію сродкаў мясцовага бюджэту, — гаворыць Леанід Коршунаў. — У першую чаргу людзі стараюцца для сябе, бо яны ж і карыстаюцца вадой. А тое, што зроблена ад душы, як вядома, служыць даўжэй.

Аляксандр АСІПЁНАК, старшыня Бялыніцкага раённага Савета дэпутатаў:

— Ініцыятыва па рамонце і ачыстцы калодзежаў знайшла водгук у жыхароў нашага раёна. Сёння сіламі вяскоўцаў у належны стан прыведзена 55 крыніц пітной вады з 1043, у тым ліку за апошнія некалькі тыдняў — 16. Калі раней гэтыя выпадкі былі адзінкавымі, то цяпер добраўпарадкаванне калодзежаў носіць сістэмны характар. Мы тлумачым людзям, што трэба адыходзіць ад сацыяльнага ўтрыманства, калі ты толькі пакажаш пальцам, і ўсё за цябе зробяць. Зараз час іншы, і ён ставіць перад намі іншыя задачы. Чалавек павінен адчуваць сябе гаспадаром на сваёй зямлі і да ўсяго, чым ён карыстаецца, адносіцца па-гаспадарску.

Святлана МАГІЛЕЎЧЫК

Загаловак у газеце: ...І пачастуем сцюдзёнай вадзіцай

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.