Новы знаёмы падарыў маладому чалавеку сваё фота, а пасля... знік з асабістымі рэчамі візаві.
Гэты выпадак здарыўся ў сталіцы. У міліцыю звярнуўся хлопец, які распавёў пра дзіўную гісторыю.
— Разам са сваім сябрам ён прагульваўся па набярэжнай Свіслачы, дзе неўзабаве маладыя людзі пазнаёміліся з мужчынам, які назваўся Яўгенам, — расказала прэс-афіцэр Цэнтральнага РУУС г. Мінска Таццяна Абозная. — Затым усе разам яны накіраваліся ў адну са сталічных кавярняў, дзе выпілі за знаёмства. Сябар пацярпелага праз нейкі час з'ехаў, а малады чалавек працягваў размовы з новым знаёмым. Той падарыў хлопцу сваё фота. Неўзабаве пацярпелы на нейкі час пакінуў Яўгена, а калі вярнуўся, не знайшоў ні мужчыну, ні сваіх рэчаў, за якімі папрасіў паназіраць візаві. Зніклі скураная куртка, чахол ад гітары, партманет з грашыма. «На памяць» засталося толькі фота Яўгена. Цяпер па ім мужчыну і вышукваюць.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
