Вы тут

Незвычайнае цяпло — вынік разбурэння азонавага слою?


Як расказаў вядучы навуковы супрацоўнік Нацыянальнага навукова-даследчага цэнтра маніторынгу азонасферы Аляксандр Красоўскі, на працягу года над нашай краінай канцэнтрацыя азону пастаянна мяняецца, прычым ад максімальных да мінімальных паказчыкаў.


І цяпер над Беларуссю з'явілася невялікая, але вельмі незвычайная азонавая дзірка. Яна злучана з дзіркай, што сёлета «вісіць» над Паўночным полюсам. Гэта даволі рэдкая з'ява.

— Мы шмат працуем над даследаваннем працэсаў, якія адбываюцца з азонавым слоем, і прышлі да вынікаў, што змяненне ўтрымання азону над пэўным рэгіёнам можа прыводзіць да сур'ёзных змен у клімаце. Чым цяплей летам ва ўмовах антыцыклону, тым менш азону ў стратасферы. Не выключана, што гарачае надвор'е ў нас і Еўропе — вынік так названага блакіравальнага эфекту, — адзначыў навуковец.

Пра гэта варта ўспомніць акурат сёння — у Міжнародны дзень аховы азонавага слою, калі спецыялісты з усяго свету заклікаюць зямлян звярнуць увагу на праблему яго змяншэння і звязаным з ёй працэсам глабальнага пацяплення.

Па словах кансультанта аддзела рэгулявання ўздзеянняў на атмасфернае паветра і азонавы слой Мінпрыроды Наталлі Кліменкі, наша краіна за апошнія трыццаць гадоў зрабіла шмат у кірунку захавання шчыта, які абараняе зямлян ад сонечнай радыяцыі. Калі ў 1980-я гады ў Беларусі выкарыстоўвалася каля 3000 тон азонаразбуральных рэчываў, то цяпер гэты паказчык складае ўсяго 30 тон, — адзначыла Наталля Кліменка. — Да 2020 года наша краіна павінна спыніць спажыванне (імпарт) азонаразбуральных рэчываў.

Вераніка КОЛАСАВА

kolasava@zviazda.by

Загаловак у газеце: Дзірка, што нясе гарачыню

Выбар рэдакцыі

Грамадства

Што трэба ведаць тым, хто адпачывае каля вадаёмаў

Што трэба ведаць тым, хто адпачывае каля вадаёмаў

Нават пры наяўнасці на пляжы ратавальнай станцыі не варта грэбаваць элементарнымі правіламі бяспекі. 

Экалогія

У Беларусі пабудуюць 30 рэгіянальных смеццеперапрацоўчых заводаў

У Беларусі пабудуюць 30 рэгіянальных смеццеперапрацоўчых заводаў

Агульная плошча звалак у Беларусі займае каля 4 тысяч гектараў.