Вы тут

Буйным гандлёвым сеткам абяцаюць «падрэзаць крылы»


На тэме нядобрасумленнай канкурэнцыі ў гандлі і пэўных канкрэтных кроках па яе выкараненні асобна спыніўся ўчора на прэс-канферэнцыі міністр антыманапольнага рэгулявання і гандлю Уладзімір Калтовіч.


Міністр адзначыў, што цяпер іх ведамства павінна больш пільна кантраляваць долю тых ці іншых гульцоў рынку ў рознічным таваразвароце харчовых тавараў. Паводле праведзеных у 2015 годзе праверак у 45 тэрытарыяльных адзінках было выяўлена перавышэнне гэтай долі ў 20% у сямі суб'ектаў гаспадарання. Калі праглядаць дынаміку такіх парушэнняў, то, як сказаў Уладзімір Калтовіч, у 2014 годзе на перавышэнне долі «грашылі» толькі 4 суб'екты гаспадарання ў 28 тэрытарыяльных адзінках. Гэта істотныя парушэнні, але пакуль у новага міністэрства няма практыкі рэальнага супрацьдзеяння падобнай эканамічнай канцэнтрацыяй буйных гандлёвых сетак.

«Сёння адпаведныя структурныя падраздзяленні міністэрства актыўна працуюць над гэтай праблемай, бо настаў час навесці ў гэтай сферы парадак», — удакладніў сваю пазіцыю Уладзімір Калтовіч.

Сяргей КУРКАЧ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?