Вы тут

Перавозкі, гандаль і пашыў адзення


Такія віды прадпрымальніцкай дзейнасці найчасцей выбіраюць беларусы.

За студзень-жнівень гэтага года больш за 1,1 тысячы беспрацоўных атрымалі субсідыі на адкрыццё ўласнай справы. Траціна з тых, каму дзяржаўныя службы занятасці выдаткавалі грошы на бізнес, — жыхары малых гарадоў і сельскіх населеных пунктаў.


Асноўныя віды прадпрымальніцкай дзейнасці, якія выбіраюць беларусы, — транспартныя і цырульніцкія паслугі, будаўніцтва, пашыў адзення, рамонт аўтамабіляў, гандаль, вытворчасць сельскагаспадарчай прадукцыі.

Памер субсідыі складае 11 бюджэтаў пражытковага мінімуму — цяпер гэта 1 930 рублёў. Калі чалавек збіраецца арганізаваць сваю справу ў малым горадзе з устойліва высокім узроўнем беспрацоўя ці ў сельскай мясцовасці, то можа разлічваць на фінансавую падтрымку ў 2 632 рублі. У выпадку, калі прадпрымальніцкая дзейнасць звязана з укараненнем вынікаў навуковых распрацовак і даследаванняў, сума субсідыі будзе 3 500 рублёў.

Ахвотных працаваць на сябе спецыялісты службаў занятасці навучаюць таксама прававым і фінансавым асновам бізнесу.

— Мы назіраем за тымі прадпрымальнікамі, хто атрымаў субсідыю, на працягу года, — кажа начальнік упраўлення палітыкі занятасці Міністэрства працы і сацыяльнай абароны Алег ТОКУН. — Але мы не ацэньваем гаспадарчую дзейнасць, не глядзім, як эфектыўна вядзецца бізнес — нам важна, каб чалавек працаваў.

Выдаткаваныя грошы могуць патрабаваць вярнуць, калі чалавек не выкарыстаў іх па мэтавым прызначэнні (напрыклад, не закупіў абсталяванне, якое абяцаў набыць у дагаворы) ці займаўся прадпрымальніцкай дзейнасцю менш, чым шэсць месяцаў у годзе. Алег Токун заўважае, што такія выпадкі бываюць, але не носяць масавага характару.

Наталля ЛУБНЕЎСКАЯ

lubneuskaya@zvіazda.by

Выбар рэдакцыі

Культура

Пошук вечнага жыцця

Пошук вечнага жыцця

Шмат разоў, збочыўшы з брэсцкай трасы, праязджаючы ад Міра да Карэліч, царкву на могілках каля вёскі Загор'е выхопліваеш літаральна за лічаныя секунды.

Спорт

Ірына Курачкіна заваявала серабро Алімпійскіх гульняў!

Ірына Курачкіна заваявала серабро Алімпійскіх гульняў!

 У фінале спаборніцтваў па жаночай барацьбе яна ўступіла японцы Рысака Каваі. 

Грамадства

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Ацэнка дзеянняў урада і давер да апазіцыі — Мусіенка пракаментаваў вынікі сацапытання

Па заказе ЗАТ «Другі нацыянальны тэлеканал» — АНТ з 5 па 21 ліпеня Аналітычны цэнтр ЕсооМ з прыцягненнем фонду «Украінская палітыка» правёў

Палітыка

Літоўцы раскручваюць крывавую хвалю гвалту

Літоўцы раскручваюць крывавую хвалю гвалту

З беларуска-літоўскай граніцы працягваюць паступаць весткі, ад якіх проста кроў стыне ў жылах.