30 цэркваў, якiя размешчаны на тэрыторыi Гомельскай вобласцi, прыцягнулi ўвагу валанцёраў ад БРСМ. З красавiка па верасень, падчас дабрачыннай рэспублiканскай акцыi «Аднаўленне святынь Беларусi» моладзь аказвала дапамогу ў добраўпарадкаваннi тэрыторый храмаў i манастыроў.
Як расказаў прэс-сакратар Гомельскага абласнога камiтэта БРСМ Арцём Карпенка, прадстаўнiкi руху «Добрае сэрца» аказвалi дапамогу на манастырскiм падворку Свята-Мiкольскага мужчынскага манастыра ў вёсцы Церуха, каля гомельскiх Свята-Петра-Паўлаўскага кафедральнага сабора, цэркваў Святога Серафiма Сароўскага, Праабражэння Гасподняга, на прыходзе Свяцiцеля Мiкалая ў вёсцы Данiлавiчы i многiх iншых:
— Удзел дзяцей у акцыi «Аднаўленне святынь Беларусi» iграе iстотную ролю ў iх духоўна-маральным выхаваннi. Важна, што моладзь шануе духоўную спадчыну продкаў i дапамагае яе захоўваць для нашчадкаў.
Для самых актыўных валанцёраў на свята Раства Багародзiцы была арганiзавана экскурсiйная праграма, падчас якой яны наведалi праваслаўныя i каталiцкiя храмы горада над Сожам. Таксама маладыя людзi прынялi ўдзел у адкрытым мiжканфесiйным дыялогу каталiцкай i праваслаўнай канфесiй.
Iрына АСТАШКЕВIЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
