Пацяпленне мы чакаем напрыканцы тыдня, а пакуль на тэрыторыі Беларусі будзе анамальна халаднавата, паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.
Так, у першыя дні тыдня надвор'ем будзе гаспадарыць зона павышанага атмасфернага ціску, што сфарміравана ў халодным паветры поўначы Еўропы. У аўторак ападкаў не чакаецца. Максімальная тэмпература паветра складзе ад плюс 10 да плюс 16 градусаў. А вось у сераду месцамі пройдуць кароткачасовыя дажджы. Уначы і раніцай у асобных раёнах чакаецца туман. Тэмпература паветра ўначы складзе ад 2 да 9 цяпла, удзень — плюс 10—16 градусаў, а па паўднёвым захадзе — да 18 цяпла. У чацвер да нас завітае атмасферны фронт з боку Заходняй Еўропы, які прынясе на большую частку тэрыторыі краіны кароткачасовыя дажджы. Тэмпература паветра ўначы будзе ад 4 да 11 цяпла, удзень — ад плюс 11 да плюс 17 градусаў, па паўднёвым захадзе — да 19 цяпла.
Залатая і камфортная восень пачне гаспадарыць у нас з пятніцы, калі з ростам атмасфернага ціску дажджоў стане менш, а ў краіну накіруюцца больш цёплыя паветраныя масы з боку паўднёвага захаду Еўропы. Надвор'е адразу палепшыцца. З пятніцы па нядзелю ўключна месцамі пройдуць кароткачасовыя дажджы. Пацяплее нават уначы, калі тэмпература паветра будзе дасягаць плюс 6—13 градусаў, удзень — ад плюс 14 да плюс 20 градусаў, а па поўдні — 21—23 цяпла.
Сяргей КУРКАЧ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.