03 снежня, чацвер

Вы тут

Спроба падмануць страхавую кампанію скончылася крымінальнай справай


У студзені гэтага года дырэктар аднаго з гродзенскіх каледжаў на тэрыторыі Мінскай вобласці трапіў у аварыю, з'ехаўшы ў кювет. Машына атрымала даволі сур'ёзныя тэхнічныя пашкоджанні і, адпаведна, значнай аказалася сума, неабходная для яе рамонту. І тады, каб атрымаць грашовую кампенсацыю, мужчына вырашыў абхітрыць страхавую кампанію.


Пасля прыезду дамоў саспеў іншы сцэнарый аварыі: быццам яна здарылася не на Міншчыне, а на тэрыторыі навучальнай установы. А прычынай ДТЗ быў не з'езд у кювет, а ЗІЛ-431410, за рулём якога знаходзіўся работнік гэтай навучальнай установы. Аказваецца, гэта грузавік урэзаўся ў Cіtroen C5. Дакументы аб фіктыўным здарэнні, якія не былі зафіксаваны супрацоўнікамі ДАІ, прадаставілі ў філіял Белдзяржстраха і атрымалі кампенсацыю ў памеры каля 700 рублёў.

Падман выявілі праз паўгода супрацоўнікі аддзела па барацьбе з эканамічнымі злачынствамі, і на цяперашні час грошы, атрыманыя махлярскім шляхам, вернуты ў страхавую кампанію. Паводле інфармацыі прэс-службы УУС Гродзенскага аблвыканкама, у дачыненні да дырэктара і яго саўдзельніка-падначаленага завялі крымінальную справу па ч. 2 арт. 209 Крымінальнага кодэкса — «Махлярства».

Барыс ПРАКОПЧЫК

prakopchіk@zvіazda.by

Загаловак у газеце: Аварыя сапраўдная і... фіктыўная

Выбар рэдакцыі

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам. 

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.