Падчас "залатога тыдню" ў Кітаі перавезена 662 млн. пасажыраў

За тыдзень з 1 па 7 кастрычніка - падчас святкавання Нацыянальнага свята КНР - дарожны і водны транспарт краіны абслужыў 662 млн. пасажыраў. 

Гэта афіцыйныя вынікі Міністэрства транспарту КНР, якія прыводзіць "Жэньмінь жыбаа" анлайн". У прыватнасці, паслугамі дарожнага транспарту скарысталіся 649 мільёна чалавек пры павелічэнні на 1,5 працэнта ў параўнанні з тым жа перыядам мінулага года. Водным транспартам было перавезена 13,2 млн. чалавек -- рост на 7,7 працэнта.

Паводле дадзеных, на легкавыя аўтамабілі прыйшлося 83,9 проц. усяго дарожнага транспарту. Пасажыраў штодня перавозілі 830 тыс. аўтобусаў далёкага накіравання. 

Сямідзённыя канікулы з нагоды Дня ўтварэння КНР (1 кастрычніка) называюць "залатым тыднем". Гэты час традыцыйных адпачынкаў і масавых падарожжаў. Многія кітайцы адпраўляюцца ў турыстычныя паездкі. Па дадзеных, апублікаваных Дзяржаўным упраўленнем па справах турызму КНР, у гэтым годзе ў святочныя дні па ўсёй краіне падарожнічалі 593 млн. турыстаў, што на 12,8 % больш, чым за аналагічны перыяд мінулага года. Даходы ад турызму дасягнулі 482,2 млрд юаняў ( $71,97 млрд.)  з прыростам на 14,4 %.