Паліцыя шатландскага горада Дандзі выдала справаздачу аб затрыманні курыцы, якая парушала правілы дарожнага руху, паведамляе агенцтва UPІ.
У праваахоўныя органы звярнуліся аўтамабілісты, якія зранку заўважылі птушку на праезнай частцы дарогі. Нарад прыбыў на месца здарэння і заняўся пошукамі парушальніка. Праз некаторы час курыцу знайшлі і даставілі ў аддзяленне паліцыі, а затым перадалі прадстаўнікам Каралеўскага таварыства прадухілення жорсткага абыходжання з жывёламі. Цяпер супрацоўнікі дэпартамента спадзяюцца адшукаць яе ўладальніка і ўстанавіць, з якой мэтай птушка пераходзіла дарогу. А ў швейцарскай камуне Пантрэзіна ў чэрвені гэтага года мясцовая паліцыя беспаспяхова патраціла некалькі дзён на пошукі каровы, якая ўцякла ад фермера. Яе знайшлі ў кантоне Граўбюндэн, дзе жывёла спрабавала выбіць рагамі дзверы атэля.
Іван КУПАРВАС
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
