Вы тут

З новага года ў аптэках можна набыць экспрэс-тэсты на ВIЧ па слiне


Простая працэдура не патрабуе забору крывi i ўсяго за 20 хвiлiн паведамляе дакладны вынiк аб наяўнасцi або адсутнасцi ВIЧ-iнфекцыi. Прастата i зручнасць сiстэмы дазваляюць выкарыстоўваць яе практычна ў любых умовах, а не толькi ў медустановах. Дакладнасць вынiку — 99 працэнтаў.


Сучасны вiд тэсцiравання даступны ўжо для маладых людзей у цэнтрах, дружалюбных падлеткам, дзе кожны ахвотны можа бясплатна i ананiмна зрабiць тэст — як звычайны, так i экспрэс, i атрымаць кансультацыю. Цяпер у Беларусi дзейнiчае 50 такiх цэнтраў, адкрытых сумесна з Дзiцячым фондам ААН i Мiнiстэрствам аховы здароўя. У цэнтрах працуюць урачы — педыятр, гiнеколаг, псiхолаг, нарколаг, дэрматавенеролаг, валеолаг. На першай кансультацыi ўрач разам з падлеткам вызначае праблему, дае рэкамендацыi i пры неабходнасцi запiсвае да спецыялiста.

Магчымасць саматэсцiравання з'явiлася ў межах спецыяльнай кампанii Аб'яднанай праграмы ААН па ВIЧ/СНIД i Дзiцячага фонду ААН «Датычыцца нават тых, каго не датычыцца», якая ахапiла сёлета ўсе абласныя гарады.

У краiне зарэгiстравана звыш 21 тысячы выпадкаў ВIЧ-iнфекцыi. Большасць выяўленых выпадкаў прыпадае на ўзрост 15-49 гадоў. Паводле апошнiх звестак, ВIЧ-станоўчы чалавек, якi атрымлiвае своечасовае лячэнне, можа пражыць гэтак жа доўга, як здаровы. Пры эфектыўным лячэннi верагоднасць перадачы вiруса iншаму чалавеку значна знiжаецца. Жанчына з ВIЧ можа нарадзiць здаровае дзiця, калi своечасова даведаецца пра свой дыягназ i пачне лячэнне.

Святлана Барысенка

protas@zviazda.by

Загаловак у газеце: Даведацца за 20 хвiлiн

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».