Вы тут

Як "Магілёўаўтадар" асвойвае новыя тэхналогіі рамонту*


Па стане дарог мяркуюць аб эканамiчным дабрабыце краiны. Мiжнародныя i рэспублiканскiя трасы, якiя перасякаюць Магiлёўскую вобласць, знаходзяцца на абслугоўваннi «Магiлёўаўтадара». Магiстралi М-4, М-5, Магiлёў — Чэрыкаў — Касцюковiчы, Крычаў — Бабруйск — Iвацэвiчы, Магiлёў — Бабруйск, Вiцебск — Гомель — праехацца па гэтых дарогах адно задавальненне. Паверхня роўная, трава на абочынах пастрыжана, хмызняк выразаны, дрэвы, як на парадзе, — пад лiнейку. Прыгожа! Гэта ўсё справа рук работнiкаў «Магiлёўаўтадара» i яго структурных падраздзяленняў — Дарожна-эксплуатацыйных участкаў (ДЭУ). Iх, дарэчы, у прадпрыемства 9.


Ге­не­раль­ны ды­рэк­тар Ана­толь Ла­па­цiн.

Дарогi па навуцы

Галоўныя функцыi прадпрыемства: будаваць дарогi i займацца iх утрыманнем. Гэта значыць своечасова рабiць рамонт, латаць дзiркi, наводзiць марафет на прыдарожных палосах, адным словам рабiць усё, каб аўтамабiлiсту было камфортна i бяспечна.

I тут дарожнiкi iдуць поруч з навукай. Сёлета, акрамя традыцыйнай тэхналогii гарачай укладкi асфальтабетону, прадпрыемства асвоiла новую — Слары Сiл. Па-навуковаму — гэта аднаўленне эксплуатацыйных характарыстык пакрыцця дарог з ужываннем лiтай мiнеральна-эмульсiйнай сумесi. Тэхналогiя распрацавана БелдарНДI. Пачынальнiкамi ў яе прымяненнi сталi брэсцкiя калегi, а магiляўчане другiмi падхапiлi эстафету.

— Перавагi гэтай тэхналогii вiдавочныя, — кажа намеснiк генеральнага дырэктара РУП «Магiлёўаўтадар» Сяргей Тылец. — Вышэйшая шурпатасць дарожнай паверхнi, што павышае бяспеку пры руху. Лепш вылучаецца разметка, што таксама служыць для папярэджання аварый. А галоўнае — аператыўнасць пры нанясеннi гэтага пакрыцця. Каб паднавiць асфальтавую паверхню, дастаткова на гадзiну перакрыць рух на паласе. Плюс — эканомiя, бо гэты матэрыял не трэба разаграваць. Ды i экалогiя не нясе страты.

Зiмой падтрымлiваць дарогу ў рабочым стане дапамагаюць сумесi уласнай вытворчасцi — САМС (сумесь аргана-мiнеральная складзiруемая). З яе дапамогай ажыццяўляецца ямачны рамонт. Сумесь у параўнаннi з лiтым асфальтабетонам больш трывалая, i яе не трэба выдаляць летам, каб пакласцi новую.

Дарэчы, пляцоўка, дзе робяцца для ўсёй вобласцi САМС i пласты Слары Сiл, знаходзiцца на базе Бялынiцкага ДЭУ №74. Для рамонту дарожных пакрыццяў па тэхналогii Слары Сiл «Магiлёўаўтадар» набыў 2 машыны MAZ-MAN з устаноўкамi MACROPAVER.

Намеснікі генеральнага дырэктара Ірына Новікава і Сяргей Тылец  абмяркоўваюць па­чат­ак ра­бот на аб'­ек­це Р 140 Слаў­га­рад — Крас­на­пол­ле.

Лепшая дарога, менш аварый

Сучасныя тэхналогii i высокае майстэрства дапамагаюць прадпрыемству аператыўна рабiць сваю справу. Пры рэканструкцыi галоўнага сёлетняга аб'екта, участка трасы М-5/Е271 (Бабруйск — Жлобiн), прымянялася армiраваная геасетка, выкарыстоўвалася гумава-бiтумная звязвальная айчыннай вытворчасцi. Штодзённа на аб'екце працавала каля 1200 рабочых i 900 адзiнак тэхнiкi. Усё гэта дало магчымасць правесцi рэканструкцыю хуткаснай аўтамагiстралi ад Мiнска да Гомеля на 2 месяцы раней запланаванага тэрмiну. На здачы аб'екта прысутнiчалi намеснiк прэм'ер-мiнiстра Беларусi Уладзiмiр Сямашка, мiнiстр транспарту i камунiкацый Анатоль Сiвак, старшыня Магiлёўскага аблвыканкама Уладзiмiр Даманеўскi, Надзвычайны i Паўнамоцны Пасол Кiтая ў Беларусi Цуй Цымiн. Была адзначана высокая якасць работ i аператыўнасць.

Не менш адказна прадпрыемства падыходзiць да падрыхтоўкi дарог да значных мерапрыемстваў абласнога, рэспублiканскага i мiжнароднага маштабу. Пакрыццё, разметка, кусты, трава — траса на вачах пераўтвараецца ў паркавую зону. Падчас правядзення пасяджэння Саўмiна Саюзнай дзяржавы ў Магiлёве з удзелам прэм'ер-мiнiстраў Беларусi i Расii Андрэя Кабякова i Дзмiтрыя Мядзведзева, расiйскi прэм'ер зрабiў шчыры камплiмент беларускiм дарогам. Сёлета колькасць дарожна-транспартных здарэнняў на дарогах Магiлёўскай вобласцi паменшылася ў параўнаннi з мiнулым годам на 35%.

Iн­жы­нер-дыс­пет­чар Ана­толь Но­вi­каў  у рэ­аль­ным ча­се ад­соч­вае стан клю­ча­вых да­рог М-4 i М-5.

Вiзiтоўка прадпрыемства

На балансе «Магiлёўаўтадара» 2485 кiламетраў рэспублiканскiх дарог, 330 мастоў i пуцеправодаў працягласцю звыш 16 тысяч пагонных метраў. У рэгiёнах вобласцi дзейнiчаюць 9 фiлiялаў, 35 лiнейна-дарожных дыстанцый. Агульная колькасць работнiкаў «Магiлёўаўтадара» — 830 чалавек.

Межаў дасканаласцi няма, пра гэта сведчыць i той факт, што цяпер у Бялынiцкiм раёне асвойваюць новы для прадпрыемства вiд работ — будаўнiцтва маналiтнага тратуара. Начальнiк ДЭУ №74 Андрэй Коласаў кажа, што прафесiя абавязвае трымаць марку i браць на ўзбраенне ўсё новае i перадавое. «Гэта як у спорце, — усмiхаецца ён. — Дасягнуў планкi, пастаў яе яшчэ вышэй».

Найбольш прыярытэтнай тут лiчыцца праграма па рэканструкцыi мастоў. Летась работнiкамi ДЭУ №77 была асвоена новая тэхналогiя рамонту дэфармацыйных швоў з прымяненнем гума-металiчных кампенсатараў. Тэхналогiя складаная, такiя работы можа праводзiць абмежаваная колькасць спецыялiзаваных падрадчыкаў.

Хутка на балансе «Магiлёўаўтадара» з'явiцца яшчэ адна водная пераправа. Сёлета ў Слаўгарадскiм раёне пачалiся работы па будаўнiцтве моста цераз раку Сож. Ён заменiць пантонны мост, якi ўзiмку дэманцiруецца, i зробiць рух памiж населенымi пунктамi раёна бесперапынным. Акрамя гэтага, ён звяжа два раённыя цэнтры — Краснаполле i Слаўгарад i дасць магчымасць скарацiць дарогу з Магiлёва цераз Слаўгарад да Краснаполля.

Да­рож­ныя ра­бо­чыя ДЭУ-74 пад­рых­тоў­ва­юць во­да­ад­вод на мос­це.

Прадукцыйнасць i рэнтабельнасць

Iнвестыцыi, прадукцыйнасць i рэнтабельнасць — тры галоўныя «кiты» паспяховай эканомiкi. Супрацоўнiкам «Магiлёўаўтадара» ёсць чым ганарыцца. Усе заданнi Мiнтранса i паказчыкi сацыяльна-эканамiчнага развiцця па вынiках 9 месяцаў выкананы i нават перавыкананы.

— Распрацаваны план мерапрыемстваў, якiя забяспечылi выкананне i перавыкананне гэтых паказчыкаў, — удакладняе намеснiк генеральнага дырэктара Iрына Новiкава. — Пры плане мiнус 4,5% па энергазберажэннi мы дасягнулi планкi мiнус 5,5%. Выкананы паказчыкi па знiжэннi ўзроўню затрат. Рэнтабельнасць склала 9,5% пры плане 2,1. У будаўнiцтва дарог iнвеставана 16 021,8 дэмiнаванага рубля за кошт крэдытаў i ўласных сродкаў. Пры плане 15 850 рублёў.

«Магiлёўаўтадар» апошнiя 4 гады займае лiдзiруючыя пазiцыi ў краiне па ўсiх кiрунках. Пры гэтым аказвае спонсарскую падтрымку сацыяльным аб'ектам, дапамагае спартыўным камандам, актыўна ўдзельнiчае ў спорце. Зручны i насычаны iнфармацыяй сайт (http://mogilevavtodor.by) дазваляе падрабязна азнаёмiцца з дзейнасцю прадпрыемства i яго структурных падраздзяленняў, а таксама паставiць адзнаку iх працы. На прадпрыемстве ганарацца сваiмi кадрамi, бо гэта сапраўдныя прафесiяналы. Трыццаць сем работнiкаў узнагароджаны знакамi «Ганаровы дарожнiк», яшчэ два маюць званне «Ганаровы транспартнiк». Традыцыi i веды перадаюцца з пакалення ў пакаленне. Бо ў штаце хапае дынастый, якiя працуюць тут дзесяцiгоддзямi. Знамянальнай падзеяй для прадпрыемства стала i правядзенне сёлета на базе «Магiлёўаўтадара» калегii Мiнтранса з удзелам вiцэ-прэм'ера Анатоля Калiнiна. Ён адзначыў высокую ступень арганiзацыi мерапрыемства.

— Я ганаруся, што працую на чале такога зладжанага калектыву, — кажа генеральны дырэктар РУП «Магiлёўаўтадар» Анатоль Лапацiн. — Наша прафесiйнае свята — добрая нагода для таго, каб сустрэцца разам, падвесцi вынiкi, узнагародзiць лепшых. Я хачу пажадаць усiм сваiм калегам i iх сем'ям здароўя, сямейнага дабрабыту, узнёслага настрою. Хай заўжды ў вашых сэрцах жывуць радасць i жаданне тварыць!

На да­рож­нае па­лат­но на­но­сяць спе­цы­яль­нае ахоў­нае па­крыц­цё Сла­ры Сiл.

Нэлi ЗIГУЛЯ

zigulya@zviazda.by

Вераніка ХІЛЬКЕВІЧ

Фота Сяргея НІКАНОВІЧА

УНП 190638747


* - На правах рэкламы


 

Загаловак у газеце: Дарожны патруль

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.