У Салігорскім раёне выратавалі мужчыну, які заблытаўся ў сетках

У Салігорскім раёне работнікі МНС выратавалі чалавека, які тануў. Мужчына заблытаўся ў рыбалоўных сетках.

Здарэнне мела месца а палове дванаццатай ночы: ратавальнікам паведамілі, што на Случы каля вуліцы Надрэчнай у гарпасёлку Старобін тоне чалавек. На месцы высветлілася, што на процілеглым баку ракі ў рыбалоўных сетках заблытаўся мужчына. Пасля выратавання яго шпіталізавалі з дыягназам «пераахаладжэнне». Як паведамілі ў Мінскім абласным упраўленні МНС, згодна з папярэдняй інфармацыяй, пацярпелы заблытаўся ў сетках і не змог выбрацца з іх самастойна, калі сам жа ўстанаўліваў гэтыя забароненыя прылады рыбалоўства.