Кіраўнік свайго ўласнага Сямейнага цэнтра Кацярына Каўрова прапанавала ў Фэйсбуку ўсім ахвотным ахвяраваць Цэнтру дапамогі аўтычным дзецям невялікую суму і атрымаць у падарунак гэту калядную елачку.
«Вось такія калядныя елачкі з дубу будуць сёлета атрымліваць мае сябры ў падарунак! З кожнай елачкай цёця Каця перадасць навагоднія заданні для ўсёй сям'і, каб чаканне новага 2017 года было па-сапраўднаму чароўным!
Па традыцыі першую работу аддаю на добрыя справы — у падтрымку Цэнтра дапамогі аўтычным дзецям! Перавядзіце добраахвотнае ахвяраванне на рахунак цэнтра і дубовая елачка з заданнямі ад Каўровай будзе вашай!
Стартуем з 60 рублёў! Вышыня елачкі 80 см. Ручная работа, выбелены дуб!»
Кантакты цэнтра «AUTІS» — на сайце autіs.by.
Лічыцца, што ў Беларусі каля 25 тысяч дзяцей з аўтызмам. Дарэчы, у Мінску не так даўно пачаў працаваць Інклюзіўны цэнтр падтрымкі і суправаджэння сем'яў, якія выхоўваюць дзяцей з аўтызмам. Спецыялісты арганізацыі займаюцца з бацькамі не толькі са сталіцы, але і іншых рэгіёнаў. Знайсці старонку цэнтра можна ў Фэйсбуку. Заняткі з бацькамі і дзецьмі бясплатныя, такой працягласці, якой запатрабуе канкрэтная сітуацыя. Аўтызм — складаны стан, і справіцца з ім аднаму чалавеку не па сілах, неабходна каманда спецыялістаў. Калі правільна пабудаваць эмацыянальныя паводзіны паміж членамі сям'і, дзіцяці з аўтызмам будзе нашмат прасцей у ёй жыць.
Святлана Барысенка
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.