Вы тут

Трансплантацыю комплексу «сэрца-лёгкія» ўпершыню правялі ў Беларусі


Трансплантацыя комплексу «сэрца-лёгкія» ўпершыню была праведзена 2 лістапада ў Рэспубліканскім навукова-практычным цэнтры «Кардыялогія». Раней у краіне ўжо траім пацыентам перасаджвалі комплекс «сэрца-ныркі».


Беларускія кардыяхірургі стажыраваліся дзеля гэтага ў Гановерскім цэнтры, які з'яўляецца сусветным лідарам у галіне трансплантацыі лёгкіх і комплексу «сэрца-лёгкія». Штогод у цэнтры выконваецца каля 150 трансплантацый лёгкіх і каля 10—15 — адразу двух органаў. Паводле слоў кардыяхірурга РНПЦ «Кардыялогія» Сяргея СПІРЫДОНАВА, заняцца перасадкай менавіта такога омплексу прымусіла жыццё. З 2009 года ў краіне праводзяцца трансплантацыі сэрца ў пацыентаў з сардэчнай недастатковасцю, аднак ёсць пацыенты, якім толькі такая аперацыя не можа дапамагчы. Гэтыя людзі вельмі доўга жылі з прыроджаным або набытым парокам сэрца, што прыводзіць у выніку да высокай лёгачнай гіпертэнзіі. Замена аднаго толькі сэрца тут не ратуе, што і абумовіла неабходнасць падрыхтоўкі да новага віду перасадкі.

Да работы падключылася вялікая колькасць урачоў пад кіраўніцтвам акадэміка Юрыя Астроўскага. Аперацыя, да якой былі прыцягнутыя каля 20 чалавек, доўжылася з 13 да 22 гадзін. Пацыенту — 32 гады, у ліст чакання ён трапіў у сакавіку. Донар у дадзеным выпадку павінен быў адпавядаць па многіх параметрах, у тым ліку па росце і вазе. Цяпер пацыент знаходзіцца ў спецыяльнай палаце, наперадзе ў яго працяглая рэабілітацыя.

У чарзе на правядзенне падобнай аперацыі — 15 чалавек з прыроджанымі і набытымі парокамі сэрца, лёгачнай гіпертэнзіяй, а таксама з тромбаэмбаліяй.

Святлана БАРЫСЕНКА

protas@zviazda.by

Загаловак у газеце: Сэрца-лёгкія перасадзілі маладому мужчыне

Выбар рэдакцыі

Грамадства

Сёння распачынае работу УНС у новым статусе

Сёння распачынае работу УНС у новым статусе

Амаль тысяча дзвесце чалавек збяруцца, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.