Новаабраны прэзідэнт Малдовы Ігар Дадон будзе дамагацца датэрміновых парламенцкіх выбараў і не выключыў правядзення рэферэндуму па ўнясенні змяненняў у Канстытуцыю. Ігар Дадон падкрэсліў, што цяперашнюю парламенцкую большасць прадстаўляюць іншыя партыі, не згодныя з праграмай Партыі сацыялістаў, якую прадстаўляе ён.
«Мы зрабілі першы крок, яшчэ вельмі сур'ёзная барацьба наперадзе, але мы да яе гатовы», — заявіў прэзідэнт. Ён прызнаў, што ва ўмовах, калі практычна ўсе паўнамоцтвы сканцэнтраваныя ў руках урада і парламента, новаму прэзідэнту будзе няпроста праводзіць сваю палітыку, але адзначыў, што ў прэзідэнта, выбранага напрамую ўсім народам, ёсць маральныя правы патрабаваць рэформаў і змен. «Калі парламенцкая большасць не пагодзіцца з меркаваннем прэзідэнта, якога выбраў увесь народ, тады прэзідэнт можа выйсці на рэферэндум, памяняць Канстытуцыю, папрасіць больш паўнамоцтваў ці роспуску парламента», — канстатаваў ён.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
