Вы тут

Навукоўцы назвалі мяжу жыцця чалавека


І яна даволі невялікая. Паводле слоў спецыялістаў, хоць працягласць жыцця сучасных людзей расце, гранічная адзнака не змяняецца, так што мары пра бессмяротнасць так і застануцца марамі і далей фантастычнай літаратуры і кіно не рушаць.


На думку навукоўцаў з Універсітэта Нью-Ёрка, у чалавека на зямлі ёсць узрост, па дасягненні якога ён абавязкова памрэ, нягледзячы на ўсе дасягненні медыцыны. Для кожнага асобнага індывіда ён свой, але ў сярэднім складае каля 100 гадоў. «Далейшыя поспехі ў барацьбе з хваробамі, хутчэй за ўсё, павялічаць сярэднюю працягласць жыцця, але не максімальную. Магчыма, што будучыя прарывы ў медыцыне падоўжаць жыццё чалавека за гэтыя межы, але ім давядзецца пераадолець уплыў мноства генетычных фактараў, якія адмяраюць наш тэрмін на Зямлі», — сказана ў матэрыяле часопіса Nature.

Як паведаміў даследчык Ян Війг, ён са сваёй камандай навукоўцаў разглядалі не колькасць смерцяў у пэўным узросце, а найбольш прыкметны спад у ліку памерлых людзей, калі параўноўваць з іншымі перыядамі. Спецыялісты мяркуюць, што ў выпадку, калі генетычнай мяжы чалавечага жыцця няма, «горб выжывання» будзе пастаянна рухацца наперад, а ў выпадку існавання такой мяжы, «горб» спыніцца ў пэўным пункце. Высветлілася, што з 80-х гадоў мінулага стагоддзя «горб выжывання» рухаўся ў бок усё больш і больш сталых гадоў, але цяпер гэты рух спыніўся. Да таго ж максімальны ўзрост людзей, якія паміраюць у той ці іншы год, істотна знізіўся ў апошнія 20 гадоў пасля смерці самай старой жыхаркі планеты, чый век склаў 122 гады. «Магчыма, што рэсурсы, якія мы зараз трацім на падаўжэнне жыцця, варта выкарыстоўваць на ўмацаванне здароўя», — сказаў кіраўнік даследавання Ян Війг.

Іван КУПАРВАС

hvir@zviazda.by

Загаловак у газеце: Неўміручасць недасягальная?

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.