У Брэсце прайшлі дэманстрацыйныя выпрабаванні пераходу з шырокай каляі на еўрапейскую і назад хуткага цягніка Масква-Берлін Swіft.
Як ужо паведамлялася, з 17 снежня з Масквы ў Берлін пачнуцца рэгулярныя рэйсы хуткага цягніка. Ён будзе курсіраваць два разы на тыдзень. І перастаноўка колаў з каляі на каляю кожны раз будзе праводзіцца ў Брэсце. Цяпер гэты працэс займае прыкладна дзве гадзіны, а для новага цягніка прадугледжаны час на перастаноўку — 30 хвілін. Ужо зманціравана абсталяванне, якое дасць магчымасць максімальна аўтаматызаваць названы працэс.
Галоўны інжынер Брэсцкага аддзялення Беларускай чыгункі Сяргей Кацуба паведаміў, што праект ажыццёўлены беларускай і расійскай чыгункамі. Створана новая інфраструктура, кантактная сетка для цягнікоў, падведзены чыгуначныя пуці і зманціравана абсталяванне, работу якога і прадэманстравалі журналістам. Састаў праехаў па ўстаноўцы, яго вагоны прыпадняліся, а спецыялісты тут жа падагналі памер колаў пад патрэбны стандарт.
У гэтыя дні новы цягнік праходзіць заключную абкатку па чыгунках Расіі, Беларусі, Польшчы, Германіі. Прадстаўнікі Расійскай чыгункі, якія прысутнічалі пры дэманстрацыйных выпрабаваннях, адзначылі, што ў Брэсце ўсё гатова для праходжання Swіft.
Святлана ЯСКЕВІЧ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!