Вы тут

Памяць Максіма Багдановіча ўшануюць у Чэрвені


22 лістапада 2016 года ў гімназіі горада Чэрвень пройдзе літаратурнае свята “Чэрвеньскія карані Максіма Багдановіча”, прысвечанае 125-годдзю са дня нараджэння паэта.


Па Ігуменшчыне праляглі многія гістарычныя шляхі, якія вабяць даследчыкаў неразгаданымі таямніцамі мінулага. Чэрвеньскія краязнаўцы кажуць аб іх шанцаванні ў тым, што тут свае першыя крокі рабілі продкі Максіма Багдановіча. Чэрвеньская зямля надзяліла гэтых людзей прыгажосцю і талентам. Менавіта пра тое, як загаралася зорка Максіма, і раскажуць падчас “круглага стала” мясцовыя краязнаўцы, а таксама госці са сталіцы. Мерапрыемства праходзіць пры непасрэднай падтрымцы Мінскага абласнога аддзялення Саюза пісьменнікаў Беларусі.

Акрамя таго, удзельнікаў літаратурнага свята чакае падарожжа па самім Чэрвені. Асаблівым прыпынкам стане месца, дзе зараз знаходзіцца будынак стаматалогіі. Тут 2 ліпеня 1999 года была адкрыта мемарыяльная дошка ў гонар Марыі Апанасаўны Мякоты, маці Максіма Багдановіча. На гарадскіх могілках у Чэрвені знойдзена магіла дзеда Максіма Багдановіча па матчынай лініі.

Алена Стэльмах

Выбар рэдакцыі

Культура

Стасся Корсак: «Заставайцеся індывідуальнымі»

Стасся Корсак: «Заставайцеся індывідуальнымі»

Юная артыстка, якая арганічна падае сябе ў розных вобразах і жанрах. 

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.