Вы тут

Не забылі прышчапіцца ад грыпу?


Яшчэ ёсць час звярнуцца ў паліклінікі ці іншыя медустановы для правядзення вакцынацыі ад грыпу — бясплатнай, калі вы ў групе рызыкі, або за свой кошт.


Сітуацыя па вострых рэспіраторных інфекцыях адпавядае зараз таму ўзроўню, які звычайна рэгіструецца ў гэты час. Пераважаюць, галоўным чынам, адэнавірусы, вірусы парагрыпу і іншыя. Захваральнасць не перавышае ўзровень мінулага года. Аднак чым бліжэй зіма, тым больш хворых.

Эпідэмічны пад'ём грыпу чакаецца па традыцыі напрыканцы студзеня — пачатку лютага. «Асаблівых новых вірусаў мы не чакаем, — кажа галоўны эпідэміёлаг, намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна КАРАБАН. — Гэта будзе звычайны сезон, і будзем спадзявацца, што тая колькасць людзей, што прайшла вакцынацыю, забяспечыла сабе дастатковы ўзровень імуннага адказу для папярэджвання грыпу або яго цяжкіх ускладненняў».

Актыўная фаза кампаніі вакцынацыі завершыцца на пачатку снежня, хоць у індывідуальным парадку можна прышчапіцца і ў наступным месяцы (аднак лепей усё ж паспець да 1-га чысла). Грып — адна з самых цяжкіх інфекцый, а вакцынацыя эфектыўна абараняе чалавека ад захворвання. На канец мінулага тыдня ў краіне ўжо больш за 3,5 млн чалавек скарысталіся такой абаронай. Большасць атрымала прышчэпкі за бюджэтныя сродкі — гэта ўсе, хто мае высокую рызыку развіцця ўскладненняў пасля грыпу, — людзі з хранічнымі захворваннямі, тыя, каму 65+, цяжарныя, дзеці ва ўзросце ад 6 месяцаў да 3 гадоў. Яшчэ адна група — дзеці ў дашкольных установах, школьнікі, студэнты ВНУ, работнікі гэтых устаноў, а таксама медперсанал. Ва ўсіх краінах гэтыя групы ахопліваюцца вакцынацыяй не менш як на 75 працэнтаў. У нас на сёння ўжо больш за 70.

У апошнія дзесяцігоддзі актыўна цыркулююць чатыры вірусы грыпу — два вірусы грыпу А і два вірусы грыпу В. Яны здольныя выклікаць эпідэміі. Эпідэмічны сезон па грыпе ў краінах паўночнага паўшар'я пачынаецца з 40-га каляндарнага тыдня і працягваецца да 20-га наступнага года. Сітуацыя ў краінах паўночнага паўшар'я пакуль спрыяльная, узровень захваральнасці характэрны для міжэпідэмічнага часу, адзначаюць спецыялісты. Рэгіструюцца адзінкавыя выпадкі пераважна віруса грыпу А (H3N2).

Не забывайцеся на старыя добрыя меры прафілактыкі ў дачыненні да паветрана-кропельных інфекцый. Пазбягайце людных месцаў: менш людзей — менш вірусаў. Гуляйце і праветрывайце памяшканне: канцэнтрацыя вірусаў на адкрытай прасторы ў тысячу разоў ніжэйшая. Будзьце ўважлівымі ў транспарце (калі нехта побач чхае, прыкрывайцеся). Мыйце рукі (яшчэ і кішэчных інфекцый пазбегнеце). Маску павінен насіць дома хворы, каб не заразіць сваіх блізкіх, але на вуліцы яна не патрэбна ў тым ліку і яму. Наогул, нашэнне маскі — не панацэя ад усіх вірусаў.

Святлана БАРЫСЕНКА

protas@zviazda.by

Загаловак у газеце: Зіма на парозе

Выбар рэдакцыі

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.

Калейдаскоп

Рука, якая трымае калыску, кіруе светам. Тэст да Дня маці

Рука, якая трымае калыску, кіруе светам. Тэст да Дня маці

Мама - гэта галоўны чалавек у жыцці. Мама - гэта дабро і адданасць.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. На гэтым тыдні планавыя мерапрыемствы могуць сарвацца, а вось тое, што будзе атрымлівацца спантанна, пройдзе выдатна. 

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.