Вы тут

Падары «Бярозку» дзіцячаму дому


Аўтарка «Лістоў на хрэсніка» рубрыкі «Зярняткі веры» Ірына Клышэўская, вучні і настаўнікі сярэдняй школа № 12 горада Гродна, калумніст часопіса «Маладосць» Канстанцін Касяк, галоўны рэдактар часопіса «Маладосць» Святлана Воцінава, урач-артапед Андрэй Людчык, член рэдкалегіі часопіса «Бярозка» Вольга Русілка, мастацтвазнаўца Галіна Багданава, паэт і празаік, які друкуецца ў «Маладосці» як Андрэй З-і, ён жа «неўтаймаваны Вісарыён» Андрэй Захарэўскі, часопіс «Вясёлка», шмат хто, спадзяёмся, яшчэ — з ліку тых, хто пра свой перадкалядны рух душы ў рэдакцыю не паведаміў, — выпісалі часопіс «Бярозка» на адрас дзіцячага дома.


Нехта выпісаў яго сваім пляменнікам, унукам, суседскім дзецям-школьнікам, хрэснікам, сынам або дочкам сяброў. Нехта — на абсалютна чужы паштовы адрас. Так шчырая сумленная інтэлігенцыя краіны стварае яе будучыню. Трэба нагадаць тут сапраўднае значэнне гэтага не заўсёды адэкватна ўспрымальнага сёння слова — «інтэлігенцыя»: да яе належаць не людзі з вышэйшай адукацыяй і пасадамі, на якіх займаюцца разумовай дзейнасцю, не асобы, якія ўмеюць прыгожа афармляць думкі і фармуляваць выказванні, не тыповыя прадстаўнікі субкультуры пад кодавай назвай «начытаныя», не «гуманітарыі», не настаўнікі-урачы-інжынеры-пісьменнікі, а тыя, хто, кажучы простымі словамі, ахвяруе нечым дзеля некага. Нечым абсалютна сваім дзеля некага абсалютна чужога, канстатуючы, што чужых увогуле не існуе. Хваляванне за лёс суайчынніка і фактычны ўдзел у ім — вось прыкмета інтэлігентнасці як грамадскай з’явы. Нішто іншае і ніяк іначай.

Афармляйце падпіску на часопіс «Бярозка», сябры. Не толькі для сябе і родных, але і для тых, каму жадаеце будучыні — інтэлігентнай і інтэлектуальнай.

Індэксы льготныя 74888 (індывідуальны) і 74879 (ведамасны).

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.