Вы тут

БЧ спрашчае правілы правозу хатніх жывёл у міжнародных зносінах


З 1 студзеня Беларуская чыгунка спрашчае правілы правозу свойскай жывёлы ў цягніках міжнародных зносін.


Новаўвядзенне датычыцца тых пасажыраў, чый гадаванец (сабака, кошка, птушка) змешчаны ў спецыяльную тару, памер якой па суме трох вымярэнняў не перавышае 200 сантыметраў, растлумачылі ў прэс-цэнтры магістралі. У гэтым выпадку пасажыру не трэба выкупляць усе месцы ў купэ, як было раней.

Дадатковая плата за правоз пакаёвых жывёл у гэтым выпадку таксама спаганяцца не будзе. Перавозка ажыццяўляецца за кошт устаноўленай нормы правозу ручной паклажы. Для размяшчэння жывёл у тары павінны выкарыстоўвацца месцы, прызначаныя для захоўвання ручной паклажы ў вагоне.

Аднак сабакі, не змешчаныя ў спецыяльную тару, павінны перавозіцца ў асобным купэ купэйнага вагона пры наяўнасці намордніка і ланцужка. Дазваляецца перавозка не больш як двух сабак у адным купэ. Пры гэтым пасажыр абавязаны аплаціць кошт месцаў у купэ.

Чыгуначнікі нагадваюць, што ва ўсіх выпадках пры перавозцы пакаёвых жывёл у абавязковым парадку патрабуюцца адпаведныя ветэрынарныя дакументы.

Сяргей РАСОЛЬКА

rs@zviazda.by

Загаловак у газеце: Вандраваць з гадаванцам стане прасцей

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».