Нацыянальная акадэмія навук Беларусі падвяла вынікі конкурсу на лепшае прадстаўленне навуковых дасягненняў 2016 года ў сродках масавай інфармацыі, паведамілі ў прэс-службе НАН.
Конкурс праводзіўся ў сёмы раз па чатырох намінацыях: "Лепшая публікацыя", "Лепшы сюжэт (праграма) на радыё і тэлебачанні", "Лепшае прадстаўленне дасягненняў НАН ў сетцы інтэрнэт" і "Лепшая публікацыя ў навукова-папулярным выданні". Апошняя намінацыя праводзілася ўпершыню. Па кожнай з намінацый прысуджаны тры прэміі. У конкурсе прынялі ўдзел як прафесійныя журналісты, так і непрафесійныя аўтары. Усяго было прадстаўлена больш за 80 работ 32 аўтараў.
На пасяджэнні Бюро Прэзідыума НАН Беларусі 12 студзеня 2017 года вырашана прысудзіць прэміі конкурсу ў намінацыі "Лепшая публікацыя": спецыяльнаму карэспандэнту аддзела сацыяльных праблем ўстановы Адміністрацыі Прэзідэнта Рэспублікі Беларусь "Рэдакцыя газеты "Савецкая Беларусь" Юліі Васілішынай за цыкл артыкулаў пра ўклад вучоных Нацыянальнай акадэміі навук у развіццё беларускай навукі; аглядальніку рэдакцыі "Сельскай газеты" Васілю Гедройцу за цыкл артыкулаў пра ролю вучоных НАН Беларусі ў павышэнні эфектыўнасці аграрна-прамысловага комплексу; спецыяльнаму карэспандэнту газеты "Звязда" Яраславу Лыскаўцу за цыкл артыкулаў пра дасягненні навукоўцаў.
У намінацыі "Лепшы сюжэт (праграма) на радыё і тэлебачанні" пераможцамі сталі: карэспандэнт спецыяльнага аддзела рэдактараў галоўнай дырэкцыі падрыхтоўкі тэлепраграм генеральнага прадзюсарскага цэнтра Белтэлерадыёкампаніі Інга Бялова, выканаўчы прадзюсар галоўнай дырэкцыі тэлеканала "НТВ - Беларусь" генеральнага прадзюсарскага цэнтра Белтэлерадыёкампаніі Кацярына Бірэцкая за цыкл тэлевізійных праграм "Навукаманія" на тэлеканале "Беларусь 3"; рэдактар Дырэкцыі інфармацыйнага і грамадска-палітычнага вяшчання Першага нацыянальнага канала Беларускага радыё Надзея Скараход за цыкл навукова-папулярных праграм "Нязведаныя гарызонты"; рэдактар аддзела рэпарцёраў Агенцтва тэлевізійных навін Белтэлерадыёкампаніі Наталля Тарасюк за цыкл тэлевізійных сюжэтаў у інфармацыйных праграмах тэлеканала "Беларусь 1".
Журы ў намінацыі "Лепшая публікацыя ў навукова-папулярным выданні" прысудзіла перамогу Алене Ермаловіч, спецыяльнаму карэспандэнту навуковай, вытворча-практычнай газеты "Навука" за цыкл артыкулаў - у газеце "Навука"; Дзмітрыю Патыка, уласнаму карэспандэнту штотыднёвіка Міністэрства аховы здароўя Беларусі "Медыцынскі веснік" за цыкл матэрыялаў у газеце "Медыцынскі веснік"; Віктару Сатышуру, загадчыку лабараторыі біяхіміі дзяржаўнай навуковай установы "Палескі аграрна-экалагічны інстытут НАН Беларусі" - за цыкл артыкулаў у часопісе "Наша сельская гаспадарка. Аграномія".
У намінацыі "Лепшае прадстаўленне дасягненняў НАН Беларусі ў сетцы інтэрнэт" пераможцамі прызнаны: спецыяльны карэспандэнт рэдакцыі газет "Мінскі кур'ер" і "Вячэрні Мінск" УП "Агенцтва "Мінск-Навіны" Вольга Паклонская за цыкл матэрыялаў пра ўклад вучоных НАН Беларусі ў развіццё беларускай навукі; рэдактар аддзела навукі і вышэйшай школы "Настаўніцкай газеты" за артыкул "Шоу, годнае вялікай залы" Галіна Сідаровіч; карэспандэнт дырэкцыі інфармацыйнага вяшчання АНТ Ігар Тур за тэлесюжэт "Прашу да стала! Першы Усебеларускі форум па харчовай бяспекі".
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
